विनोद र रोहित आउट

२९ फागुन, काठमाडौं । नेपालले त्रिकोणात्मक टी२० आई सिरिजमा पपुवा न्युगिनीविरुद्ध ओपनर विनोद भण्डारी र कप्तान रोहित पौडेललाई गुमाएको छ ।

मोगं कोगंमा टस हारेर पहिला ब्याटिङको निम्तो पाएको नेपालले ८.२ ओभरमा २ विकेट गुमाउँदै ६५ रन बनाएको छ । कुशल भुर्तेल २३ बलमा ४ चौका र २ छक्कासहित ३७ र आरिफ शेख क्रिजमा छन् ।

नेपाललाई ओपनर विनोद र कुशल भुर्तेलले ७.३ ओभरमा ६४ रनको सुरुवात दिलाएका थिए । स्पिनर जोहन कारिकोलाई ठूलो सट खेल्नेक्रममा नर्मन भानुवाबाट क्याच आउट भएका थिए । विनोदले २२ बलमा २ चौका र १ छक्कासहित २७ रन बनाए । त्यसअघि विनोद भण्डारीले ब्यक्तिगत ८ रनमा असाद भालाले क्याच छाड्दै जीवनदान दिएका थिए ।

कप्तान रोहित पौडेल नोसैना पोकनाको नवौं ओभरको पहिलो बलमा एज लागेर विकेटकिपर डोरिगाबाट १ रनमा क्याच आउट भए ।