अनिल र कप्तान रोहित पनि आउट

२० चैत, काठमाडौं । नेपालले भारतमा जारी एसएमएस फ्रेन्डसिप टी-२० कपमा बरोडासँग मध्यम ब्याटिङ प्रदर्शन गरेको छ ।

टस हारेर पहिला ब्याटिङको निम्तो पाएको नेपालले १२ ओभरमा ४ विकेट गुमाउँदै ७९ रन बनाएको छ । नेपालका गुलशन झा १२ र सन्दीप जोरा १ रनमा क्रिजमा छन् ।

अनिल कुमार शाह २७ बलमा २ चौका र १ छक्कासहित २५ रनमा क्याच आउट भए । उनी परिक्षित पाटिदारको बलमा टप एज लागेर आउट भएका थिए । कप्तान रोहित पौडेल १३ बलमा ३ चौकासहित १८ रनमा रन आउट हुन पुगे ।

त्यसअघि नेपालले ओपनर आसिफ शेख र कुशल भुर्तेललाई ९(९ रनमा गुमाएको थियो । दुबै ओपनर तीव्र गतिका बलर बाबा खानको बलमा क्याच आउट भएका थिए ।