२०८३ असोज ६ गते १०:२८ 
News Summary
Generated by OK AI. Editorially reviewed.- २०औं एसियन गेम्समा महिला कबड्डीमा नेपालले समूह ‘बी’ अन्तर्गत थाइल्यान्डलाई ४६–४३ ले हराउँदै विजयी सुरुवात गरेको छ।
- पुरुष कबड्डीमा नेपालले आफ्नो दोस्रो खेलमा पाकिस्तानसँग ५८–४३ ले लगातार दोस्रो हार बेहोरेको छ।
- नेपालको पुरुष टोलीले आजै तेस्रो खेल इरानसँग खेल्नेछ।
६ असोज, काठमाडौं । २०औं एसियन गेम्सअन्तर्गत महिला कबड्डीमा नेपालले विजयी सुरुवात गरेको छ ।
जापानको तोकाइ सिटिजन जिम्नेसियममा मंगलबार बिहान भएको खेलमा थाइल्यान्डलाई पराजित गर्दै नेपालले विजयी सुरुवात गरेको हो । समूह ‘बी’ अन्तर्गतको खेलमा नेपालले थाइल्यान्डलाई ४६–४३ ले पराजित गर्यो ।
८ टोली सहभागी कबड्डीको एक समूहमा ४ राष्ट्र छन् । नेपाल रहेको समूहमा थाइल्यान्ड, श्रीलंका र चाइनीज ताइपेइ छ । अर्काे समूहमा इरान, भारत, बंगलादेश र जापान छन् । दुई समूहका शीर्ष दुई टोलीले सेमिफाइनल खेल्नेछन् ।
पुरुष कबड्डीमा भने नेपालले लगातार दोस्रो हार बेहोरेको छ । आफ्नो दोस्रो खेलमा नेपाल पाकिस्तानसँग ५८–४३ ले पराजित हुन पुग्यो । पहिलो खेलमा नेपाल थाइल्यान्डसँग पराजित भएको थियो । पुरुष टोलीले आजै तेस्रो खेल इरानसँग खेल्नेछ ।
पुरुष कबड्डीमा १० टोली सहभागी छन् । ५–५ टोलीलाई दुई समूहमा विभाजन गरिएको छ । दुई समूहका शीर्ष दुई टोलीले सेमिफाइनल खेल्नेछन् । लगातार दुई हारले नेपालको सेमिफाइनल पुग्ने सम्भावना कठिन बन्दै गएको छ ।
प्रतिक्रिया 4