काठमाडौं । गायक तथा संगीतकार करणराज कार्कीले ‘गल्ती मेरो छैन’ गीतको दोस्रो भर्सन ल्याएका छन् । र्याप समेत मिश्रित यो गीतमा करणराजकै शब्द तथा संगीत छ । गीतमा करणराज, बुलेट फ्लो, रेश्मा पुन, शशिका राई र सारा अधिकारीको स्वर छ ।
गल्ती मेरो छैन आज ढिलो हुनुमा
कहीं कतै अल्झेगें भूल मेरो छैन
त्यसैले नजाऊ मलाई छाडेर
मायाका वाचा कसम तोडेर
यो गीतको पहिलो भर्सन निकै लोकप्रिय भएको थियो ।
गीतको भिडियोलाई निर्देशक कुवाङले डान्सिङ शैलीमा प्रस्तुत गरेका छन् । भिडियोमा प्रतीक्षा लिम्बू फिचर्ड छिन् भने अन्य कलाकारमा रिया तामाङ, कृपा श्रेष्ठ, हितोक लामा, प्रिसु तामाङ, निशा पौडेल, सर्मी बिसी, अनिषा क्षेत्री र तनुजा मगर छन् । भिडियोमा करणराज र बुलेट फ्लो पनि देखिएका छन् ।
भिडियोमा पुनम श्रेष्ठ र सुवास भट्टको कोरियोग्राफी, लोकेन्द्र सुब्बाको छायांकन तथा सम्पादन छ । करणराजले गायन रियालिटी शो नेपाल आइडल र भ्वाइस अफ नेपालमा संगीत प्रशिक्षण समेत दिंदै आएका छन् । ‘गल्ती मेरो छैन २’ ‘करणराज कार्की’ युट्युब च्यानलमा रिलिज गरिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4