आगामी आर्थिक वर्षको नीति तथा कार्यक्रम : LIVE UPDATES

१९ वैशाख, काठमाडौं । सरकारको आगामी आर्थिक वर्षको नीति तथा कार्यक्रम सार्वजनिक भएको छ । राष्ट्रपति रामचन्द्र पौडेलले संघीय संसद् बैठकमा नीति तथा कार्यक्रम वाचन गरिरहेका छन् ।

नीति तथा कार्यक्रममा युवामा आशा जगाउने, उद्यमशीलता, सीप विकास, स्टार्टअप, व्यावसायिक योजना, सरकारको खर्च वृद्धि गर्ने र सुशासन कायम गर्ने विषयमा नीति तथा कार्यक्रम केन्द्रित हुने जनाइएको छ ।

हेर्नुहोस् लाइभ–

३२ ताजा अपडेट

3 hours ago, 16:39:52

स्नातकमाथिका विद्यार्थीलाई हप्ताको २० घण्टा काम, न्यूनतम ज्याला

सरकारले स्नातक माथिका विद्यार्थीालाई हप्ताको २० घण्टा कामको व्यवस्था गर्ने भएको छ ।

3 hours ago, 16:37:50

सरकारको नीति तथा कार्यक्रममा के छ ? हेर्नुहोस् पूर्णपाठ

3 hours ago, 16:33:37

शीतल निवास फर्किए राष्ट्रपति पौडेल

राष्ट्रपति रामवरण पौडेल सरकारको नीति तथा कार्यक्रम प्रस्तुत गरेर शीलत निवास फर्किएका छन् ।

3 hours ago, 16:28:00

सरकारले भन्यो- सामाजिक सञ्जालको प्रयोगलाई नियमन गर्छौं

सरकारले सामाजिक सञ्जालको प्रयोगलाई नियमन गर्ने बताएको छ । सरकारको नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले भने- \'सामाजिक सद्भाव प्रवर्द्धन गर्न सामाजिक सञ्जालको सञ्चालन र प्रयोगलाई मर्यादित, सुरक्षित र व्यवस्थित बनाउन प्रभावकारी नियमन गरिनेछ। नागरिकको सुरक्षाका लागि राज्यको सुरक्षा प्रणाली सुदृढ गरिनेछ ।\'

3 hours ago, 16:25:33

अनावश्यक सार्वजनिक संरचना खारेज कि गाभ्ने ?

सरकारले आगामी आर्थिक वर्षमा अनावश्यक सार्वजनिक संरचना खारेज गर्ने वा गाभ्ने घोषणा गरेको छ ।

3 hours ago, 16:21:50

सकियो सरकार नीति तथा कार्यक्रम प्रस्तुती

राष्ट्रपति रामचन्द्र पौडेलले नयाँ आर्थिक वर्षका लागि सरकारको नीति तथा कार्यक्रम प्रस्तुत गरेर सकेका छन् । सभामुखले संसद स्थगन गरेका छन् । संसद भवनबाट राष्ट्रपति पौडेललाई बिदाइ हुँदैछ ।

3 hours ago, 16:19:54

स्पोर्ट्स स्कूल कार्यक्रम सञ्चालन गरिने

संघ, प्रदेश तथा स्थानीय तह र खेल संघको सहकार्यमा स्पोर्ट्स स्कूल कार्यक्रम सञ्चालन गरिने बताइएको छ ।

3 hours ago, 16:18:48

सरकारले फेरि भन्यो : नेपाल वायुसेवा निगमको पुनर्संरचना गरिने छ

पछिल्ला केही वर्षयता सरकारले यो विषय नीति तथा कार्यक्रममा छुटाएको छैन । तर, कार्यान्वयनमा समेत जान सकेको छैन ।

3 hours ago, 16:14:55

नेपाललाई ध्यान पर्यटनको केन्द्र बनाउने घोषणा

सरकारले नेपालललाई योग तथा ध्यान पर्यटनको केन्द्र बनाउने घोषणा गरेको छ ।

3 hours ago, 16:13:39

नीति तथा कार्यक्रममा खेलकुद बारे के छ ?

संघ, प्रदेश तथा स्थानीय तह र खेल संघको सहकार्यमा स्पोर्ट्स स्कूल कार्यक्रम सञ्चालन गरिने बताइएको छ । त्यस्तै विद्यालय तहदेखि खेलकुद तालिम, प्रशिक्षण र खेलाडीको सहभागिता कार्यक्रमहरू सञ्चालन गरिनेछ । रंगशाला लगायतका खेलकुद पूर्वाधार निर्माणमा तीन तहका सरकार र निजी क्षेत्रको सहभागिता सुनिश्चित गर्न कानुनी व्यवस्था मिलाइने भएको छ । खेलकुदलाई निजी क्षेत्रका सामाजिक उत्तरदायित्व कार्यक्रमसँग जोडिने छ । कीर्तिपुरस्थित त्रिवि क्रिकेट मैदानलाई आधुनिक स्तरको क्रिकेट मैदानमा रुपान्तरण गरिने कुरा समावेश गरिएको छ । अन्तर्राष्ट्रिय पदक विजेता खेलाडी र उनीहरूका सन्ततिलाई अध्ययनका लागि छात्रवृत्तिको व्यवस्था पनि मिलाइने भएको छ ।

3 hours ago, 16:12:26

चुरे संरक्षणको गुरुयोजना पुनरावलोकन हुने

राष्ट्रपति चुरे तराई मधेश संरक्षण परियोजनाको पुनर्संरचना गरिने

सरकारले चुरे संरक्षणका लागि गुरुयोजना पुनरावलोकन गर्ने भएको छ । साथै राष्ट्रपति चुरे तराई मधेश संरक्षण परियोजनाको पुनर्संरचना गरी राष्ट्रिय चुरे संरक्षण आयोजनाको रुपमा अघि बढाउने भएको छ ।

3 hours ago, 16:11:01

सरकारले संघीय सेवा ऐन र राष्ट्रिय गुणस्तर प्रत्यायन प्राधिकरण ऐन ल्याउने

सरकारले संघीय स्वास्थ सेवा ऐन र राष्ट्रिय गुणस्तर प्रत्यायन प्राधिकरण ऐन ल्याउने भएको छ ।

3 hours ago, 16:10:08

विद्युत अभाव हुन नदिन जलाशययुक्त आयोजना कार्यान्वयन गरिने

सरकारले विद्युत् अभाव हुन नदिन तथा आयात प्रतिस्थापन गर्न जलाशययुक्त आयोजना कार्यान्वयनको नीति लिएको जनाएको छ ।

3 hours ago, 16:09:14

विद्यालय शिक्षा विधेयक यही अधिवेशनबाट पारित गर्ने घोषणा

सरकारले विद्यालय शिक्षा विधेयक यही अधिवेशनमा पास गर्ने घोषणा गरेको छ । राष्ट्रपति रामचन्द्र पौडेलले यही अधिवेशनबाट पारित गर्ने घोषणा गरेका हुन् ।

3 hours ago, 16:07:02

‘सगरमाथा संवाद’ कार्यक्रम आयोजना गरिने

सरकारले जलवायु परिवर्तनका कारण नेपालले भोग्नुपरेको चुनौतीबारे विश्व समुदायको ध्यानाकर्षण गर्न आगामी जेठ २ देखि ४ सम्म ‘सगरमाथा संवाद’ आयोजना गर्ने भएको छ ।

3 hours ago, 16:05:01

अत्याधुनिक राष्ट्रिय न्युरोसाइन्सेज केन्द्र स्थापना गर्ने घोषणा

सरकारले मस्तिष्क, मेरुदण्ड, मानसिक तथा स्नायु रोगको उपचारको लागि काठमाडौमा एक अत्याधुनिक राष्ट्रिय न्युरोसाइन्सेज केन्द्र स्थापना गर्ने घोषणा गरेको छ ।

3 hours ago, 16:03:02

बाली लगाउनुअघि नै कृषि उपजको न्यूनतम समर्थन मूल्य तोक्ने घोषणा

सरकारले कृषि क्षेत्रमा व्यावसायिक ढंगले काम गर्ने किसानलाई प्रोत्साहन गर्ने नीति ल्याएको छ ।

3 hours ago, 16:01:59

रैथानेबाली प्रवर्धन गर्ने नीति

सरकारले नीति तथा कार्यक्रममा रैथानेबाली प्रवर्द्धन गर्ने नीति प्रबर्द्धन गर्ने उल्लेख गरेको छ ।

3 hours ago, 16:00:24

पेट्रोलियम पदार्थबाट चल्ने सवारीसाधनमा यूरो ६ मापडण्ड लागू गर्ने

सरकारले आगामी आर्थिक वर्ष २०८२/८३ बाट यूरो ६ मापदण्ड लागू गर्ने घोषणा गरेको छ ।

3 hours ago, 15:59:18

निजी क्षेत्रलाई खेलकुदसँग जोडिने

सरकारले नीति तथा कार्यक्रममा निजी क्षेत्रलाई पनि खेलकुद क्षेत्रसँग जोड्ने उल्लेख गरेको छ ।

4 hours ago, 15:56:31

प्रधानमन्त्री कृषि आधुनिकीकरणको नाम फेरियो

सरकारले प्रधानमन्त्री कृषि आधुनिकीकरण परियोजनाको पुनःसंरचना गर्ने भएको छ ।

4 hours ago, 15:54:56

शिक्षाका चुनौती सामाना गर्न कानुनी प्रबन्ध गर्ने

प्रतिनिधिसभा र राष्ट्रिय सभाको संयुक्त बैठकमा सरकारले आगामी आर्थिक वर्षका लागि ल्याएको नीति तथा कार्यक्रम बाचन गर्दै राष्ट्रपति रामचन्द्र पौडेलले यस्तो बताएका हुन् ।

4 hours ago, 15:53:11

नीति कार्यक्रममा फेरि आयो कृषि मल कारखाना

सरकारले नीति तथा कार्यक्रम मार्फत कृषि मल कारखानाको विषय फेरि ल्याएको छ ।

4 hours ago, 15:47:49

एकीकृत सामाजिक सुरक्षा कोषको अवधारणा लागू गरिने

सरकारले सामाजिक सुरक्षामा एकीकृत अवधारणालाई थप सुदृढ गर्ने घोषणा गरेको छ ।

4 hours ago, 15:45:30

लगानी जुटाउन वैकल्पिक वित्त कोष स्थापना

सरकारले आगामी आर्थिक वर्ष २०८२÷८३ मा स्रोत व्यवस्थापनका लागि वैकल्पिक वित्त कोष स्थापनाको घोषणा गरेको छ ।

4 hours ago, 15:44:25

सरकारले सहमतिको आधारमा संविधान संशोधन गर्ने

नीति तथा कार्यक्रममार्फत सरकारले सहमतिकै आधारमा संविधान संशोधन प्रक्रिया अगाडि बढाउने स्पष्ट पारेको छ ।

4 hours ago, 15:42:26

बैंकहरूको खराब कर्जा सम्हाल्न सम्पत्ति व्यवस्थापन कम्पनी खोलिने

सरकारले बैंकहरुको गैरबैंकिङ सम्पत्ति र खराब कर्जा सम्हाल्नका लागि सम्पत्ति व्यवस्थापन कम्पनी स्थापना गर्ने भएको छ । आगामी आर्थिक वर्ष २०८२/८३ को नीति तथा कार्यक्रम सार्वजनिक गर्दै राष्ट्रपति रामचन्द्र पौडेलले यस्तो घोषणा गरेका हुन् ।

4 hours ago, 15:38:19

सरकारले नेपाल स्टक एक्स्चेन्जको पुनर्संरचना गर्ने

सरकारले नेपाल स्टक एक्स्चेन्ज (नेप्से)को पुनर्संरचना गर्ने भएको छ । आगामी आर्थिक वर्ष २०८२/८३ को नीति तथा कार्यक्रम सार्वजनिक गर्दै राष्ट्रपति रामचन्द्र पौडेलले यस्तो घोषणा गरे । ‘नेपाल स्टक एक्स्चेन्जको पुर्नसंरचना गरी पूँजी बजारको क्षमता एवम् पारदर्शिता वृद्धि गरिनेछ’ पौडेलले घोषणा गरे । नेपाल स्टक एक्स्चेन्जको पुनर्संरचना गर्न सरकारको बहुस्वामित्व सेयर घटाउनुपर्ने हुन्छ ।

4 hours ago, 15:35:31

एकीकृत परियोजना बैंक लागू गर्ने

रकारले एकीकृत परियोजना बैंक लागू गर्ने जनाएको छ । केन्द्र, प्रदेश र स्थानीय तहको योजनामा दोहोरपन हटाउन एकीकृत परियोजना बैंकको सरकारले घोषणा गरेका हुन् । संयुक्त संसदमा आगामी आर्थिक वर्ष २०८२/०८३ नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले तीन तहकै सरकारको योजना प्रभावकारी बनाउन यस्तो घोषणा गरेका हुन् ।