फिल्ममा फर्किए पुष्प खड्का, साइन् गरे ‘महाराजधिराज’

News Summary

Generated by OK AI. Editorially reviewed.

अभिनेता पुष्प खड्का दुई वर्षपछि फिल्म ‘महाराजधिराज’मा फर्किने निश्चित भएको छ।
उनी यस फिल्ममा महत्वपूर्ण भूमिका रहने विश्वास व्यक्त गरेका छन्।
फिल्मलाई दशैंको फूलपातिमा प्रदर्शन गर्ने तयारी भइरहेको छ।

काठमाडौं । २ वर्षको ‘ब्रेक’पछि अभिनेता पुष्प खड्का फिल्ममा फर्किने निश्चित भएको छ । उनी निर्माण तयारीमा रहेको फिल्म ‘महाराजधिराज’मा अनुबन्धित भएका छन् ।

केही दिनअघि उक्त फिल्म साइन् गरे । खड्का सन् २०२३ को फेब्रुअरीमा प्रदर्शनमा आएको ‘मनसँग मन’मा पछिल्लोपटक देखिएका थिए ।

यो फिल्ममा आफ्नो भूमिका महत्वपूर्ण हुने भन्दै खड्का उत्साहित सुनिए । यो फिल्मले आफूलाई नयाँ उचाइ दिने विश्वास उनले व्यक्त गरे ।

‘महाराजधिराज’मा यसअघि आर्यन सिग्देल, रमेश उप्रेती र पल शाह अनुबन्धित भइसकेका छन् । ‘लिड फिमेल’मा वर्षा राउत र वर्षा सिवाकोटी तय छन् ।

परिच्छेद सेनले निर्देशन गर्ने फिल्मलाई छत्रेश्वर म्यानेजमेन्ट प्रालिको ब्यानरमा निर्माण गर्न लागिएको हो । प्रस्तुतकर्ता विराज बिष्ट रहेको फिल्मको लगानीकर्तामा टोपेन्द्र विष्ट, चक्रबहादुर केसी र रवि खड्का छन् ।

यो फिल्म दशैंको फूलपातिमा प्रदर्शनमा आउने अपेक्षा गरिएको छ ।