‘भ्वाइस किड्स’को कोचमा सत्यराज आचार्यको इन्ट्री, चौंथो सिजनको छायांकन सुरु

News Summary

Generated by OK AI. Editorially reviewed.

‘भ्वाइस अफ नेपाल’ किड्स संस्करणको छायांकन काठमाडौंमा सुरु भयो।
गायक सत्यराज आचार्य नयाँ कोचको रुपमा प्रवेश गरे।
छायांकनमा विदेशीभाषी बालबालिका समेत सहभागी छन् र शो दुई साताभित्र प्रसारण हुनेछ।

काठमाडौं । ‘भ्वाइस अफ नेपाल’ किड्स संस्करणको छायांकन विहीबारदेखि सुरु भएको छ । किड्सको यो चौंथो संस्करणमा गायक सत्यराज आचार्य नयाँ कोचको रुपमा प्रवेश गरेका छन् ।

सिजन छायांकनको ४ दिनअघिसम्म पनि कोचमा प्रमोद खरेल हुने चर्चा थियो । तर, अन्तिम समयमा दर्शकलाई सरप्राइज दिँदै गायक आचार्यको प्रवेश भयो ।

धुम्बाराहीस्थित भ्वाइसको सेटमा छायांकन सुरु भयो । हजारौं डिजिटल अडिसनबाट १०० जना छनोट हुने र तीमध्येबाट पुनः छनोटमार्फत ४८ जना सेलेक्ट हुने जनाइएको छ । यसको अर्थ, एकजना कोचको समूहमा १२ जना हुनेछन् ।

नेपालसहित विदेशबाट आएका विदेशीभाषी ६ देखि १४ वर्ष उमेर समूहका बालबालिकाले ब्लाइन्ड अडिसनमा भाग लिँदैछन् । दुई साताभित्र हिमालय टिभीबाट शो प्रसारण सुरु हुने निर्देशक लक्ष्मण पौड्यालले जनाए ।

नयाँ सिजनको कोचमा सत्यराजसहित खेम सेन्चुरी, मेलिना राई र मिलन नेवार छन् ।