सवारीसाधन कर्जा सीमा बढाउन गभर्नरसँग नाडाको माग

News Summary

Generated by OK AI. Editorially reviewed.

नाडा अटोमोबाइल्स एसोसिएसनले गभर्नर प्रा. डा. विश्वनाथ पौडेललाई ऋण प्रवाह सीमा बढाउन माग गरेको हो।
अध्यक्ष करण चौधरीले मूल्यमा ऋण अनुपात (एलटीभी) न्यूनतम ७० प्रतिशत बनाउन आग्रह गरे।
नाडाले कर्जा भुक्तानी क्षमता बढाउनुपर्ने माग गरेको छ ।

९ जेठ, काठमाडौं । नाडा अटोमोबाइल्स एसोसिएसन अफ नेपालले नवनियुक्त गभर्नर प्रा. डा. विश्वनाथ पौडेललाई अटोमोबाइल क्षेत्रका लागि ऋण प्रवाहको व्यावहारिक कार्यान्वयनको माग गरेको छ ।

अध्यक्ष करण चौधरीको नेतृत्वको प्रतिनिधिमण्डलले नेपाल राष्ट्र बैंकका गभर्नर पौडेलसँग भेटेर मूल्यमा ऋण अनुपात (एलटीभी) न्यूनतम ७० प्रतिशत बनाउन माग गरेको हो ।

मौद्रिक नीतिको समीक्षा मार्फत ६० प्रतिशत सीमाले ग्राहक तथा व्यवसाय दुवैलाई अवरोध सिर्जना गरेकाले सम्पूर्ण अटोमोबाइल सेग्मेन्टका लागि यथार्थपरक स्तरमा ल्याउन आग्रह गरेको हो ।

राष्ट्र बैंकले अटो ऋण खोल्ने निर्णय लिएको एक वर्ष भइसकेको भन्दै व्यावहारिक रूपमा बैंकहरूबाट कर्जा प्रवाह रोकिएको अध्यक्ष चौधरीले बताए ।

नाडाले कर्जा भुक्तानी क्षमता बढाउनुपर्ने माग गरेको छ । नाडाले गभर्नरसँग विशेषगरी वित्तीय पहुँच अभाव, विद्युतीय तथा प्रिमियम सवारीसाधनमा कर्जाको व्यावहारिक अवरोध, कर्जा नीतिमा देखिएको असमञ्जस्यता र निष्पक्ष वित्त प्रणालीका लागि नियमनको आवश्यकताबारे छलफल गरेको थियो ।

छलफलमा नाडा उपाध्यक्ष राजनबाबु श्रेष्ठले दीर्घकालीन आर्थिक नीति तय गर्ने विषयमा राष्ट्र बैंकको सहयोगमा नाडाले अन्तक्र्रिया गर्ने विषयमा प्रस्ताव गरेका थिए ।