सृच्छालाई हौसला दिन २९ सदस्यीय नेपाली टोली ‘मिस वर्ल्ड’मा जाने

News Summary

Generated by OK AI. Editorially reviewed.

मिस नेपाल सृच्छा प्रधानको टोली शुक्रबार भारतको तेलंगानामा प्रस्थान गर्नेछ।
संस्थाका अध्यक्ष अजयरत्न स्थापितको नेतृत्वमा २९ सदस्यीय नेपाली टोली सहभागी हुनेछ।
मिस वर्ल्डको ग्राण्ड फिनाले शनिबार राति ११ बजेदेखि आयोजना हुनेछ।

काठमाडौं । आगामी शनिबार हुने मिस वर्ल्डको फिनाले समारोहमा सहभागी हुन मिस नेपाल आयोजक द हिडन ट्रेजरका अध्यक्षको नेतृत्वमा २९ सदस्यीय नेपाली टोली शुक्रबार भारत प्रस्थान गर्ने भएको छ ।

संस्थाका अध्यक्ष अजयरत्न स्थापितको नेतृत्वमा द हिडन ट्रेजरका ८ जना, प्रतियोगितामा सहभागी मिस नेपाल सृच्छा प्रधानको परिवारका १४ जना सदस्य र मिस्टर नेपालका ३ जना सदस्य त्यता जान लागेका हुन् ।

द हिडन ट्रेजरका निर्देशक प्रमोद कंशाकारले सृच्छालाई हौसला दिन टोली भारतको तेलंगाना राज्यको हैदाराबादतिर जान लान लागेको बताए ।

नेपाली समयानुसार शनिबार राती ११ बजेदेखि यसवर्षको मिस वर्ल्डको ग्राण्ड फिनाले आयोजना हुँदैछ । यसवर्ष नेपालबाट मिस नेपाल सृच्छाले प्रतिस्पर्धा गरिरहेकी छन् ।