छानबिन समिति बनाउने लिखित प्रतिबद्धता आए विपक्षीले संसद् चल्न दिने

News Summary

Generated by OK AI. Editorially reviewed.

प्रतिपक्षी दलहरूले भिजिट भिसा प्रकरणमा गृहमन्त्रीमाथि छानबिन गर्न समिति बनाउने प्रतिबद्धता जनाए।
संसद खोल्न तयार रहेको भन्दै प्रतिपक्षी दलहरूले समिति बनाउने प्रस्तावमा सहमति जनाए।
सत्ता पक्षले समिति बनाउने विषयमा छलफल गर्नुपर्ने भएकाले बैठक सरेको छ।

२९ जेठ, काठमाडौं । प्रमुख प्रतिपक्षी दलहरूले भिजिट भिसा प्रकरणमा गृहमन्त्रीमाथि छानबिन गर्न समिति बनाउने लिखित प्रतिबद्धता आए संसद् खोल्न तयार रहेको बताएका छन् ।

दिउँसो बसेको प्रतिपक्षी दलहरूको बैठकले सत्ता साझेदार दलहरूले समिति बनाउन लिखित प्रतिबद्धता गरे संसद् चल्न दिने निष्कर्ष निकालेको माओवादी केन्द्रका प्रमुख सचेक हितराज पाण्डेले जानकारी दिए ।

प्रतिपक्षी दलहरूको यही निष्कर्ष माओवादी केन्द्रका अध्यक्ष पुष्पकमल दाहाल प्रचण्डले सभामुखलाई सुनाएका थिए ।

सभामुखले सत्ता पक्षका दलहरू नेपाली कांग्रेस र नेकपा एमालेका नेताहरूलाई सुनाएपछि अहिले आफ्नो धारणा तय गर्न ती दुई दलको बैठक बसिरहेको छ । सत्ता पक्षका दलहरू छानबिन समिति बनाउन नहुनेमा छन् ।

प्रतिपक्षी दलहरू भने एक कदम पछि हटेर अहिले तत्काल छानबिन समिति नबनाए पनि छानविन समिति बनाउने प्रतिबद्धता आए संसद खोल्न सकिने बताएका हुन् ।

प्रतिपक्षी दलहरूको प्रस्तावमा सत्ता पक्षले छलफल गर्नुपर्ने भएपछि प्रतिनिधि सभाको बैठक साढे ५ बजेसम्मका लागि सरेको छ ।