छत्रकोटले ५० वर्ष पुगेका एकल महिला र पुरुषलाई जीवन निर्वाह भत्ता दिने

News Summary

Generated by OK AI. Editorially reviewed.

गुल्मी जिल्लाको छत्रकोट गाउँपालिकाले ५० वर्ष पुगेका एकल नागरिकलाई जीवन निर्वाह भत्ता दिने योजना घोषणा गर्यो।
अध्यक्ष रामप्रसाद पाण्डेले यस कार्यक्रमले सामाजिक उत्तरदायित्व र नागरिक सम्मान बढाउने बताए।
गाउँपालिकाले कार्यक्रमलाई विस्तार र आवश्यकतानुसार सेवा समायोजन गर्ने योजना बनाएको छ।

४ असार, गुल्मी । गुल्मी जिल्लाको छत्रकोट गाउँपालिकाले ‘स्थानीय सरकार सारथी’ कार्यक्रमअन्तर्गत ५० वर्ष पुगेका एकल महिला तथा पुरुषलाई जीवन निर्वाह भत्ता प्रदान गर्ने भएको छ ।

गाउँपालिकाले आर्थिक वर्ष २०८२/०८३ को लागि प्रस्तुत नीति कार्यक्रममा समाजका ज्येष्ठ नागरिक र एक्लो जीवन बिताइरहेका नागरिकहरूलाई सम्मानका साथ जीवनयापन गर्न सक्ने वातावरण सिर्जना गर्ने उद्देश्य लिएको छ ।

५० वर्ष उमेर नाघेका तर एकल महिला तथा पुरुषहरूलाई लक्षित गरी ‘जीवननिर्वाह सारथी भत्ता’ उपलब्ध गराइने गाउँपालिकाका अध्यक्ष रामप्रसाद पाण्डेले बताए ।

छत्रकोट गाउँपालिकाका अध्यक्ष पाण्डेको अनुसार, ‘सारथी कार्यक्रमले स्थानीय सरकारको सामाजिक उत्तरदायित्वलाई सुदृढ पार्नेछ र एकल नागरिकहरूको जीवनमा सम्मान र आत्मबल थप गर्ने बताए ।

गाउँपालिकाले यस कार्यक्रमलाई क्रमिक रूपमा विस्तार गर्दै आवश्यकता अनुसार सेवा समायोजन गर्ने योजना पनि बनाएको छ ।