विश्व बैंक समूहबाट साढे ५० अर्ब ऋण लिँदै सरकार

News Summary

Generated by OK AI. Editorially reviewed.

सरकारले विश्व बैंक समूहबाट ५० अर्ब रुपैयाँ बराबरको सहुलियतपूर्ण ऋण लिने निर्णय गरेको छ।
मन्त्रिपरिषद् बैठकले २० अर्ब ७९ करोड र २९ अर्ब ७२ करोड रुपैयाँ ऋण सहायता स्वीकृत गरेको हो।
ऋण रकम पुल सुधार, मर्मत, र रणनीतिक सडक सञ्जाल सुधारमा खर्च गरिनेछ।

४ असार, काठमाडौं । सरकारले विश्व बैंक समूहबाट साढे ५० अर्ब रुपैयाँ बराबर सहुलियतपूर्ण ऋण लिने भएको छ ।

सोमबार बसेको मन्त्रिपरिषद् बैठकले विश्व बैंकबाट २० अर्ब ७९ करोड र विश्व बैंक समूहको अन्तर्राष्ट्रिय विकास संस्थाबाट २९ अर्ब ७२ करोड रुपैयाँ बराबर सहुलियतपूर्ण ऋण सहायता स्वीकार गर्ने निर्णय गरेको हो ।

२० अर्ब ७९ करोड रुपैयाँ पुल सुधार तथा मर्मत कार्यक्रम तेस्रो चरणका लागि खर्च गरिने निर्णयमा उल्लेख छ ।

त्यस्तै अन्तर्राष्ट्रिय विकास संस्थाबाट प्राप्त हुने २९ अर्ब ७२ करोड रुपैयाँ भने रणनीतिक सडक सञ्जाल तथा व्यापारिक मार्ग सुधार आयोजनामा खर्च हुने भएको छ ।

बैठकले दक्षिण कोरिया सरकारबाट बर्दिया जिल्लामा सञ्चालन हुने समावेशी ग्रामीण विकास परियोजनाका लागि १ अर्ब ८ करोड ८० लाख रुपैयाँ अनुदान सहायता स्वीकार गर्ने निर्णय समेत गरेको छ ।