News Summary
Generated by OK AI. Editorially reviewed.- ‘लालीबजार’ फिल्मको प्रदर्शन मिति फागुन १ तय गरिएको छ।
- अभिनेत्री स्वस्तिमा खड्का गर्भवती महिलाको भूमिकामा देखिनेछिन्।
- निर्माता म्याक्स दिपेश खत्रीले टिजर पोस्टर र कलाकारको जानकारी सार्वजनिक गरे।
काठमाडौं । षट्कोण आर्ट्सले निर्माण गर्न लागेको फिल्म ‘लालीबजार’लाई लिएर दुईवटा नयाँ खबर छन् । पहिलो- यो फिल्मको प्रदर्शन मिति फागुन १ गतेलाई तय छ ।
दोस्रो- यो फिल्ममा अभिनेत्री स्वस्तिमा खड्का अनुबन्धित भएकी छन् । निर्माताले मंगलबार टिजर पोस्टर सार्वजनिक गर्दै प्रदर्शन मिति र अभिनेत्री खड्काको संलग्नताबारे जानकारी दिएका हुन् ।
निर्माता म्याक्स दिपेश खत्रीले स्वस्तिमाले केही दिनअघि मात्र फिल्म साइन् गरेको बताए । ‘षट्कोण आर्ट्स’ व्यवसायिक हिट फिल्म ‘जात्रा’ श्रृंखलाको लागि परिचित छ ।
‘लालीबजार’को टिजर पोस्टरमा स्वस्तिमालाई गर्भवती महिलाको भूमिकामा देख्न सकिन्छ । उनको श्रृंगार र हाउभाउले सेटिङ, मुड र चरित्र चित्रणबारे प्रकाश पार्छ ।
यम थापाको लेखन तथा निर्देशन हुने यो फिल्मलाई खत्री र रवीन्द्रसिंह बानियाँले निर्माण गर्दैछन् । कार्यकारी निर्माता प्रदीप भट्टराई हुन् ।
अन्य कलाकारबारे जानकारी दिइने निर्माताले बताएका छन् । यो फिल्मको छायांकन आउँदो दशैं लगत्तै गर्ने तयारी छ । षट्कोण आट्र्सले यसअघि ‘टलकजङ्ग भर्सेस टुल्के’, ‘डाकिनी’, ‘सुपर मङ्क’ लगायतका फिल्ममा अन्य ब्यानरसँग सहकार्य गरेको छ ।
‘लालीबजार’ ब्यानरको एकल फिल्म हो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4