नाटक खेल्न नेपाल आइपुगे जीवन लुइँटेल

News Summary

Generated by OK AI. Editorially reviewed.

अमेरिकामा बस्दै आएका अभिनेता जीवन लुइँटेल सात वर्षपछि नाटक 'शिरिषको फूल'मा सुयोगवीरको भूमिका गर्दै नेपाल फर्किएका छन्।
कान्तिपुर थिएटरले जीवन र सनिशा भट्टराईको अभिनयमा नाटकको कार्यशाला सुरु गरेको छ र पहिलो भेटको भिडियो सार्वजनिक गरेको छ।
कान्तिपुर थिएटरका कलेज प्रमुख प्रकाश पुरीले साउन पहिलो सातादेखि नाटक मंचनको तयारी सुरु भएको बताए।

काठमाडौं । लामो समयदेखि अमेरिकामा बस्दै आएका कुनै समयका चर्चित अभिनेता जीवन लुइँटेल नेपाल आइपुगेका छन् ।

कान्तिपुर थिएटरले मंचन गर्न लागेको नाटक ‘शिरिषको फूल’को शीर्ष भूमिकामा उनले अभिनय गर्नेछन् । पारिजातको चर्चित उपन्यासको मुख्य पात्र सुयोगवीरको चरित्रमा उनी देखिनेछन् ।

बीचमा अन्य कारणले नेपाल आइरहेपनि अभिनयमा पुनरागमनको लागि भनेरै आएको यो पहिलोपटक हो । ७ वर्षपछि उनी अभिनयमा फर्किन लागेका हुन् । उनको पछिल्लो फिल्म ‘सुकुलगुण्डा’ सन् २०१८ मा रिलिज भएको थियो ।

अहिले यो नाटकको कार्यशाला कान्तिपुर थिएटरमा चलिरहेको छ जहाँ जीवनसहित अभिनेत्री सनिशा भट्टराई पनि सहभागी छिन् । सनिशाले सकम्बरीको भूमिकामा अभिनय गर्दैछिन् ।

कान्तिपुर थिएटरले जीवन र सनिशाको पहिलो भेटको भिडियो सार्वजनिक गरेको छ । जहाँ, सनिशाले जीवनलाई स्वागत गरेको देखिन्छ । नाटकमा सनिशाले अभिनय गर्ने भन्ने सुनेपछि आफूले सनिशाको पछिल्लो फिल्म ‘नरसिंहा अवतार’को गीत ‘अच्छा लिकिन लण्डनको चिसोले समाउला’लाई दुईतीनपटक दोहोर्‍याएर सुनेको जीवनले बताए ।

कान्तिपुर थिएटरले साउन पहिलो सातादेखि यो नाटक मंचनको तयारी थालेको कलेज प्रमुख प्रकाश पुरीले जनाए ।