गुराँस नानीलाई दुर्गेशको मोबाइल उपहार

News Summary

Generated by OK AI. Editorially reviewed.

गायक दुर्गेश थापाले अस्ट्रेलिया टुरअघि अनर ब्राण्डको मोबाइलका व्यवसायिक दूत बनेका छन्।
दुर्गेशले एक्सी सिक्स सी मोडलको फोन गुराँस नानीलाई उपहारस्वरुप दिने घोषणा गरेका छन्।
उनको गीत 'जाने भए जाम माया'ले युट्युबमा २४ घण्टाभित्र सर्वाधिक हेरिने नेपाली गीतको रेकर्ड तोडेको छ।

काठमाडौं । पछिल्लो गीत ‘जाने भए जाम माया’को सफलतापछि गायक दुर्गेश थापा अहिले अस्ट्रेलिया टुरमा छन् । त्यता जानुअघि उनी ‘अनर’ ब्राण्डको मोबाइलका व्यवसायिक दूत बनेका थिए ।

ब्राण्ड एम्बेसडर बनेबापत उनले कम्पनीबाट एक्सी सिक्स सी मोडलको स्मार्टफोन पाएका थिए । तर, दुर्गेशले यो फोन उक्त हिट गीतकी मोडल गुराँस नानीलाई उपहारस्वरुप दिने भएका छन् ।

अस्ट्रेलियाबाटै स्टाटस लेख्दै दुर्गेशले आफूले उक्त फोन गुराँस नानीलाई गिफ्टस्वरुप दिने बताएका छन् । उनी लेख्छन्, ‘गुराँस ननी, हजुरको सपना, कलाकारिताको चाहना र हजुरको शैलीलाई मन पराएर नै हामीले पछिल्लो समय हजुरसँग सहकार्य गर्‍यौं, जसले खनिकै सफलता प्राप्त गरेको छ । म ‘अनर’ मोबाइको ब्रान्ड एम्बेसडर बनेपछि पाएको पहिलो एक्स सिक्स सी फोन हजुरलाई उपहार दिँदा यो खुशी अझ बिशेष बनेको छ । अब हजुरको प्रस्तुति अझै बिशेष बन्नेछ । सधै माया, सधै सम्मान – दुर्गेश थापाको तर्फबाट ।’

दुर्गेशले गुराँसलाई दिन लागेको अनरको यो मोडलको फोन जुलाई १३ मा नेपाली बजारमा उपलब्ध भएको हो ।

दुर्गेश र सिसन बानियाँको उक्त गीतमा गुराँस नानीको पनि अभिनय छ । यो गीतले २४ घण्टाभित्र युट्युबमा सर्वाधिक हेरिने नेपाली गीतको रेकर्ड रचेको छ । साथै, ३ दिनभित्रै युट्युब म्युजिकको ग्लोबल ट्रेन्डिङमा समावेश हुने र अमेरिकाको युट्युब ट्रेन्डिङमा आउने पहिलो नेपाली गीत बन्यो ।

यो गीतलाई अहिलेसम्म झण्डै ८० लाख पटक हेरिएको छ ।