News Summary
Generated by OK AI. Editorially reviewed.- त्रिभुवन अन्तर्राष्ट्रिय विमानस्थलमा समानान्तर ट्याक्सी वे, पार्किङ वे र नेपाल आयल निगमको डिपो स्थानान्तरणका काम जारी छन्।
- नेपाल नागरिक उड्डयन प्राधिकरणका महानिर्देशक प्रदीप अधिकारीले अन्तर्राष्ट्रिय जहाज पार्किङ क्षमता अभिवृद्धि भइरहेको बताए।
- एसियाली विकास बैंकको ऋणमा चालु आव ४ अर्ब १५ करोड बजेट विनियोजन गरी पूर्वाधार विकास र स्तरोन्नति गरिंदैछ।
८ साउन, काठमाडौं । त्रिभुवन अन्तर्राष्ट्रिय विमानस्थलभित्र अहिले पूर्वाधार विकासका विभिन्न काम जारी छन् ।
समानान्तर ट्याक्सी वे निर्माण सहित पार्किङ वे र नेपाल आयल निगमको डिपो स्थानान्तरणसम्मका काम भइरहेका छन् ।
नेपाल नागरिक उड्डयन प्राधिकरणका महानिर्देशक प्रदीप अधिकारीका अनुसार अन्तर्राष्ट्रियतर्फ मात्र अहिले जहाज पार्किङ स्थलहरूको क्षमता अभिवृद्धिको काम जारी छ ।
यसबाहेक टर्मिनल भवन निर्माण योजना समेत छ । अहिले आयल निगमको हवाई इन्धन रहेको स्थानबाट डिपो सार्ने योजना छ । जुन साढे ६ अर्ब लागतमा नयाँ डिपो बनाउने तयारी छ ।
त्रिभुवन अन्तर्राष्ट्रिय विमानस्थलभित्रका विभिन्न पूर्वाधार निर्माण र स्तरोन्नति गर्न एसियाली विकास बैंक (एडीबी) को ऋण सहायतामा चालु आवमा कुल ४ अर्ब १५ करोड बजेट विनियोजन गरिएको छ ।
जसमध्ये धावनमार्गका विभिन्न साइडमा समानान्तर ट्याक्सी वे र ह्यांगर एरिया विकासको काम हुने भएको छ । महानिर्देशक अधिकारीका अनुसार यसरी हुने कामले विमानस्थलमा थप जहाज आउने वातावरण बन्ने छ । साथै, यात्रु वृद्धि भई विमानस्थलको सेवा सुविधा र सुरक्षा समेत अभिवृद्धि हुने प्राधिकरणको भनाइ छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4