डिप बोरिङ समाधान होइन भन्दै काठमाडौंमा मधेशका युवाहरूको प्रदर्शन (तस्वीरहरू)

News Summary

Generated by OK AI. Editorially reviewed.

सरकारले मधेशलाई सुख्खा संकटग्रस्त क्षेत्र घोषणा गरेको छ तर दिर्घकालीन योजना नल्याएको भन्दै युवाहरुले काठमाडौंमा प्रदर्शन गरेका छन्।
मधेशका युवाहरुले डिप बोरिङ समस्याको समाधान होइन, दिगो समाधानको व्यवस्था गर भन्दै माइतीघरमा सरकारको ध्यानाकर्षण गराएका छन्।
युवाहरुले चुरे संरक्षणमा जोड दिन, किसानलाई तत्काल राहत प्याकेज र २४ घण्टा नि:शुल्क बिजुली उपलब्ध गराउन माग गरेका छन्।

१६ साउन, काठमाडौं । सरकारले मधेशलाई सुख्खा संकटग्रस्त क्षेत्र घोषणा गरेपनि दिर्घकालीन योजना नल्याएको भन्दै युवाहरुले काठमाडौंमा प्रदर्शन गरेका छन् ।

सुख्खाग्रस्त क्षेत्र घोषणा गरेर संघ सरकार र प्रदेश सरकार डिप बोरिङ गाड्ने जस्ता अल्पकालीन योजनामा लागेको भन्दै युवाहरुले आक्रोश पोखेका छन् ।

‘डिप बोरिङ समस्याको समाधान होइन, दिगो समाधानको व्यवस्था गर’ जस्ता नारा लगाउँदै मधेशका युवाहरु शुक्रबार काठमाडौंको माइतीघरमा भेला भएर सरकारको ध्यानाकर्षण गराएका छन् ।

चुरे संरक्षणमा जोड दिनुपर्ने भन्दै उनीहरुले सुक्खा प्रभावित किसानहरुलाई तत्काल राहत प्याकेजको व्यवस्था गर्न माग गरेका छन् ।

यस्तै किसानलाई २४ घण्टा नि:शुल्क बिजुली उपलब्ध गराउनुपर्ने, तराई–मधेशका किसानलाई नगद क्षतिपूर्ति दिनुपर्ने लगायतका नारा लेखिएका प्ले कार्ड बोकेर युवाहरु प्रदर्शनमा उत्रिएका थिए ।

मधेश कृषि–जल आन्दोलन संघर्ष समितिको ब्यानरमा युवाहरू भेला भएका थिए ।

हेर्नुहोस् तस्वीरहरू