ऐतिहासिक कथावस्तु भएको ‘कालीपार’ को मञ्चन सुरु

News Summary

Generated by OK AI. Editorially reviewed.

कौसी थिएटरमा ऐतिहासिक कथामा आधारित नाटक \'कालीपार\' १२ भदौदेखि प्रदर्शनमा आएको छ।

१३ भदौ, काठमाडौं । टेकुस्थित कौसी थिएटरमा ऐतिहासिक कथामा आधारित नाटक ‘कालीपार’ प्रदर्शनमा आएको छ । कथा घेराको सहकार्यमा पत्र-मञ्जूषाले तयार पारेको कालीपार बिहीबारबाट प्रदर्शनमा आएको हो ।

नाटकमा पन्ध्रौँ शताब्दी आसपासको कथा देखाइएको छ । जसमा कहिल्यै नहारेको त्रिरत्नपुर राज्य युद्धका कारण कठिन समयमा ग्रुजिरहेको छ । त्यस अवस्थामा यो राज्यले के गर्छ ? भन्ने कुरा नै नाटकको मूल विषय हो ।

नाटकलाई प्रवीण पौडेल र मुक्ति प्रसाद पौडेलले संयुक्त निर्देशन गरेका छन् । उनीहरूको यो पहिलो निर्देशन हो । नाटक मुक्तिले लेखेका हुन् । उनले यसअघि ‘काँचो धागो’ पनि लेखेका थिए । जुन नाटकले समीक्षकहरूबाट राम्रो प्रतिक्रिया पाएको थियो ।

नाटकमा सागर दाहाल, ऋषिकेश बस्याल, आयुश्मा मगर, निरज पन्थी, मुकुन्द खलपात्र, आशिष काफ्ले, दिलराज राई, शरद भण्डारी लगायत २० जना कलाकार रहेका छन् । नाटक असोज ४ गतेसम्म हरेक साँझ ५:१५ मा हेर्न सकिने छ । मंगलबार सो हुनेछैन भने शनिबार दिउँसो १ बजे थप विशेष शो चल्नेछ ।