बालेनले हर्कलाई भने– तिमीलाई माया गर्न छाड्दिनँ

News Summary

Generated by OK AI. Editorially reviewed.

जेनजी आन्दोलनपछि हर्क साम्पाङ प्रधानमन्त्री बन्न धरानबाट जम्बो टोली लिएर जङ्गी अड्डा पुगेका थिए तर जनमत नपाएपछि निराशा व्यक्त गरिरहेका छन्।

३१ भदौ, काठमाडौं । काठमाडौं महानगरपालिकाका मेयर बालेन्द्र शाह (बालेन) ले धरान उपमहानगरपालिकाका मेयर हर्क साम्पाङलाई आफूले सधैँ माया गरिरहने बताएका छन् ।

पछिल्लो समय साम्पाङले दिएको आफूलक्षित अभिव्यक्तिको प्रतिउत्तर दिँदै बालेनले लेखेका छन्, ‘डियर हर्क साम्पाङ, तिमीले मलाई जति गाली गरे पनि म तिमीलाई माया गर्न छोड्दिनँ । एकतर्फी नै सही, तर मेरो माया साँचो हो ।’

आफूलाई प्रधानमन्त्री नबनाएको भनेर धरानका मेयर साम्पाङले बालेनलक्षित विभिन्न टिप्पणी गर्दै आएका छन् । जसप्रति बालेनले पनि मंगलबार फेसबुकमार्फत नै साम्पाङलाई जवाफ दिएका हुन् ।

उनले अङ्ग्रेजीमा समेत लेखेका छन्, ‘यू आर माइ ट्रु लभ ।’

बालेनको हाँस्यरस मिसिएको यस स्टाटस तत्कालै भाइरल भइरहेको छ ।

जेनजी आन्दोलनपछि आफूलाई प्रधानमन्त्री बनाउनुपर्छ भन्दै धरानबाट जम्बो टोली बोकेर हर्क साम्पाङ जङ्गी अड्डा पुगेका थिए । तर उनको जनमत पुगेन । त्यसयता हर्क साम्पाङले सामाजिक सञ्जालमा निराशा पोखिरहेका छन् ।