जेनजी आन्दोलनले रोकिएको ‘जारी २’ भाइटीकामा आउने

News Summary

Generated by OK AI. Editorially reviewed.

जेनजी आन्दोलनले रोकिएको फिल्म 'जारी २ : सङ अफ च्याब्रुङ'को प्रदर्शन मिति ६ कात्तिकमा तय गरिएको छ।
उपेन्द्र सुब्बा निर्देशित 'जारी २' तिहारको भाइटीका अवसरमा देशब्यापी रिलिज हुनेछ।
'जारी २' को प्रदर्शन मितिसँगै बाँसुरी फिल्म्सले मुस्ताङमा 'कबड्डी'को पाँचौं श्रृंखला छायांकन गर्ने तयारी गरिरहेको छ।

काठमाडौं । जेनजी आन्दोलनले रोकिएको फिल्म ‘जारी २ : सङ अफ च्याब्रुङ’को प्रदर्शन मिति घोषणा भएको छ । निर्माता कम्पनी बाँसुरी फिल्म्सले तीन नयाँ पोस्टर सार्वजनिक गर्दै प्रदर्शन मिति तय गरेको हो ।

जसअनुसार उपेन्द्र सुब्बा निर्देशित फिल्म तिहारको भाइटीका अवसरमा ६ कात्तिकमा देशब्यापी रिलिज हुनेछ ।

यसअघि सोही मितिमा ‘वरिष्ठ बलराम’ र ‘सोल्टिनी’ले पनि प्रदर्शन मिति घोषणा गरिसकेका छन् । ७ कात्तिकमा ‘मैझारो’ पनि आउने तय छ ।

दयाहाङ राई र मिरुना मगर स्टारर ‘जारी २’ दुई वर्षअघि प्रदर्शनमा आएको सुपरहिट फिल्म ‘जारी’को दोस्रो श्रृंखला हो । पहिलो भागले घरेलु बक्सअफिसमा १७ करोडभन्दा धेरै कलेक्सन गरेको थियो ।

दोस्रो श्रृंखला पनि प्रतीक्षित छ । ‘जारी २’ रिलिजअघि बाँसुरी फिल्म्सले मुस्ताङमा अर्को ब्लकबस्टर फिल्म ‘कबड्डी’को पाँचौं श्रृंखला छायांकन गर्ने तयारी गरेको छ ।