माओवादीले महाधिवेशन र निर्वाचनमा जेनजी पुस्तालाई जोड दिने

News Summary

Generated by OK AI. Editorially reviewed.

नेकपा माओवादी केन्द्रले महाधिवेशन र आगामी निर्वाचनमा जेनजी तथा युवा पुस्तालाई जोड दिने प्रस्ताव राखेको छ।
अध्यक्ष पुष्पकमल दाहाल प्रचण्डले पार्टी रुपान्तरित हुने मोडमा रहेको र जेनजीको माग अनुसार प्रतिनिधित्व गराउने बताए।
प्रचण्डले केन्द्रीय समितिको बैठकमा पार्टी पदाधिकारी र केन्द्रीय समिति भंग गर्ने प्रस्ताव प्रस्तुत गर्नुभएको छ।

९ असोज, काठमाडौं। नेकपा माओवादी केन्द्रले पार्टीको महाधिवेशन र आगामी निर्वाचनमा जेनजी तथा युवा पुस्तालाई जोड दिने भएको छ ।

यस्तो प्रस्ताव काठमाडौंको प्रज्ञा भवनमा जारी केन्द्रीय समितिको बैठकमा अध्यक्ष पुष्पकमल दाहाल प्रचण्डले राखेका हुन् ।

जेनजीको माग अनुसार राजनीतिक दल र शासन सत्तामा जेनजी र युवा पुस्ताको प्रतिनिधित्व गराउन पार्टी प्रतिवद्ध रहेको उल्लेख गर्दै उनले यसै अनुसार पार्टी रुपान्तरित हुने मोडमा रहेको बताए ।

बैठकमा सहभागी एक नेताका अनुसार प्रचण्डले भनेका छन्, ‘महाधिवेशन र आगामी निर्वाचनमा जेनजी र युवा पुस्तालाई जोड दिने हो।’

माओवादीले आगामी मंसिरमा विशेष महाधिवेशन गर्ने भनेको छ । यो प्रस्ताव पदाधिकारीबाट स्थायी समिति हुँदै केन्द्रीय समितिमा प्रस्तुत भएको छ ।

यस अन्तर्गत प्रचण्डले नै केन्द्रीय समितिको बैठकमा पार्टी पदाधिकारी र केन्द्रीय समिति भंगको प्रस्ताव प्रस्तुत गरेका छन् । महाधिवेशन आयोजक समितिको प्रस्तव प्रस्तुत गरेका छन् ।

प्रचण्डको सम्बोधन जारी छ ।