दीपकराज गिरीले २०८३ सालको दशैंमा फिल्म ल्याउने

गतसाता अमेरिकाको टेक्सासमा प्रस्तुति दिँदै दीपकराज गिरीसहितका कलाकार ।

News Summary

Generated by OK AI. Editorially reviewed.

अभिनेता तथा निर्माता दीपकराज गिरीले २०८३ सालको दशैंमा नयाँ फिल्म ल्याउने घोषणा गरेका छन्।
दीपकराज गिरीले अमेरिका भ्रमणमा रहेर फेसबुकमार्फत दशैंमा फिल्म ल्याउने जानकारी दिएका छन्।
दीपकराजले यसपटक दशैंमा फिल्म रिलिज नभएको र अर्को वर्ष दशैंमा भेट्ने बताएका छन्।

काठमाडौं । अभिनेता तथा निर्माता दीपकराज गिरीले २०८३ सालको दशैंमा फिल्म ल्याउने घोषणा गरेका छन् ।

अहिले ‘छक्कापञ्जा कमेडी टूर’को सिलसिलामा अमेरिका भ्रमणमा रहेका उनले त्यहाँबाटै आउने दशैंमा फिल्म ल्याउने घोषणा गरे । उनले यसबारेको जानकारी फेसबुकमार्फत दिएका छन् ।

उनी भन्छन्, ‘देशको राजनीतिक अवस्था साथै प्राकृतिक प्रकोपका बिच दशैं सोचे जस्तो पक्कै भएन होला ! हामीले पनि यो साल चलचित्र ल्याउन सकेनौं, तैपनि दशैमा प्रदर्शन भएका नेपाली चलचित्रहरूलाई दिनुभएको मायाका लागि धेरै धेरै धन्यबाद ! अर्को साल दशैमा भेटौला !’

कुन फिल्म आउँदो दशैंमा ल्याउने भन्ने कुरा दीपकले खुलाएका छैनन् । लगातार दशैंमा फिल्म ल्याउँदै आएका दीपकको फिल्म भने यसपटकको दशैंमा रिलिज भएन ।

दीपकसहित दीपाश्री निरौला, जितु नेपाल लगायतको टोली अहिले अमेरिकाका विभिन्न राज्यमा प्रस्तुति दिन ब्यस्त छन् । एक महिनासम्म चल्ने ‘छक्कापञ्जा टूर’मा दर्शकले माया दिएको दीपकले बताए ।