दीपकराज लेख्छन्- धेरैपछि फस्ट बेन्च चेन्ज भो, अब देश चेन्ज होस्

News Summary

Generated by OK AI. Editorially reviewed.

प्रतिनिधिसभाका नवनिर्वाचित सांसदले बिहीबार सिंहदरबारभित्रको नयाँ सांसद भवनमा सपथ ग्रहण गरेका छन्।
सांसद भवनमा नेकपा, एमाले, राप्रपा, र राष्ट्रिय स्वतन्त्र पार्टीका नेताहरु नयाँ अनुहारसहित उपस्थित थिए।
अभिनेता दीपकराज गिरीले रवि लामिछाने र बालेन शाहको सपथ लिँदै गरेको फोटो सेयर गर्दै 'अब देश पनि चेन्ज होस्' लेखेका छन्।

काठमाडौं । प्रतिनिधिसभाका नवनिर्वाचित सांसदले बिहीबार सपथ ग्रहण गरे । सिंहदरबारभित्रको नवनिर्मित सांसद भवनमा भिन्न दृश्य देखियो । सांसद भवन नयाँ अनुहारले भरिभराउ देखिन्थ्यो ।

पुराना नेताहरूमध्ये अघिल्लो लहरमा नेकपाका पुष्पकमल दाहाल, एमालेका रामबहादुर थापा, राप्रपाका ज्ञानेन्द्र शाही थिए । दायाँ लहरमा राष्ट्रिय स्वतन्त्र पार्टीका तर्फबाट प्रधानमन्त्री प्रस्तावित बालेन शाह, सभापति रवि लामिछाने, नेता स्वर्णिम वाग्ले लगायत थिए ।

धेरै समयपछि नेपालको संसदीय इतिहासमा देखिएको यो भिन्न परिदृश्य थियो । यो दृश्यलाई लिएर सामाजिक सञ्जालमा सर्वसाधारणदेखि सेलिब्रेटीसम्म टिप्पणी गरिरहेका छन् ।

अभिनेता दीपकराज गिरीले अघिल्लो लहरमा देखिएको परिवर्तनलाई लिएर फोटो सेयर गरेका छन् । रवि र बालेनले सपथ लिँदाको फोटो सेयर गर्दै उनी लेख्छन्, ‘लौ, धेरैपछि फस्ट बेन्च चेन्ज भो । अब देश पनि चेन्ज होस् ।’

संसदको पहिलो लहरमा देखिएको यो बदलावले मुलुकमा पनि परिवर्तन ल्याउन सकोस् भन्ने आशा राखेका छन् । चुनाव अघिदेखि नै गिरीले आफूलाई परिवर्तनको पक्षमा उभ्याउँदै आएका छन् ।

कामको कुरा गर्दा, दीपकराजको अभिनय रहने फिल्म ‘छ माया छपक्कै २’ बैशाखदेखि छायांकन तयारीमा छ ।