हिमालयन एभरेस्ट इन्स्योरेन्समा परेका २९१ दाबीमध्ये २८८ को भुक्तानी

News Summary

Generated by OK AI. Editorially reviewed.

हिमालयन एभरेस्ट इन्स्योरेन्सले भदौ २३ र २४ गते जेनजी आन्दोलनका क्रममा भएको क्षतिमा २५ करोड ६० लाख रुपैयाँ भुक्तानी गरेको छ।
कम्पनीले २९१ आवेदनमध्ये २८८ वटा दाबी भुक्तानी सम्पन्न भएको जनाएको छ।
दाबी विभाग प्रमुख रोज राज लुइँटेलले सरल र सहज दाबी भुक्तानीका लागि कम्पनी प्रतिबद्ध रहेको बताउनुभयो।

२ कात्तिक, काठमाडौं । हिमालयन एभरेस्ट इन्स्योरेन्सले भदौ २३ र २४ गते जेनजी आन्दोलनका क्रममा भएको क्षतिमा परेको माग दाबीमा २५ करोड ६० लाख रुपैयाँ भुक्तानी गरेको छ ।

क्षति पुगेका सम्पत्तिको शीघ्र दाबी भुक्तानी गर्ने रणनीति अनुरुप बीमा भई क्षतिपूर्ति दाबी गरिएका २९१ वटा आवेदनमध्ये हालसम्म २८८ वटा दाबी भुक्तानी सम्पन्न भएको कम्पनीले जनाएको छ ।

उक्त दाबी भुक्तानी रकम जेनजी आन्दोलनका क्रममा क्षति पुगेका सम्पत्तिको अग्रिम तथा अन्तिम दाबी भुक्तानीबापत रहेको कम्पनीले जनाएको छ । नियामकीय प्रावधान भित्र रही सरल र सहज दाबी भुक्तानीका लागि कम्पनी प्रतिबद्ध रहेको दाबी विभाग प्रमुख रोज राज लुइँटेलले बताए ।

प्रमुख कार्यकारी अधिकृत अन्जु श्रेष्ठले प्रतिकुल परिस्थितिमा आर्थिक सुरक्षाका लागि बीमाको महत्वपूर्ण भूमिका रहने हुँदा समयमै शीघ्र दाबी भुक्तानीका लागि कम्पनीले हरसम्भव प्रयास गरेको बताइन् ।

पारदर्शिता, समयमै दाबी भुक्तानी र उत्कृष्ट ग्राहक सेवालाई आधारभूत मान्यताका रूपमा अंगाल्दै भविष्यमा अझ सरल, सहज र प्रविधिमैत्री बीमा सेवा प्रदान गर्ने प्रतिबद्धता कम्पनीले जनाएको छ ।