गृहमन्त्री अर्याल जनकपुरमा

News Summary

Generated by OK AI. Editorially reviewed.

गृहमन्त्री ओमप्रकाश अर्याल सोमबार मधेश प्रदेशको जनकपुर पुगेका छन्।
मन्त्री अर्यालले मंगलबार जिल्ला सुरक्षा समन्वय समितिको बैठकमा सुरक्षा प्रमुखहरूसँग छलफल गर्नेछन्।
भ्रमण टोलीले सरकारी कार्यालय अवलोकन र छठ पर्वसम्बन्धी कार्यक्रममा सहभागिता जनाउनेछ।

१० कात्तिक, काठमाडौं । गृहमन्त्री ओमप्रकाश अर्याल सोमबार जनकपुर गएका छन् । शान्ति सुरक्षाको अवस्था र चुनावका लागि आवश्यक तयारीबारे जानकारी लिन गृहमन्त्री अर्याल मधेश प्रदेशको जनकपुर पुगेका हुन् ।

जनकपुरमा गृहमन्त्री अर्यालले भोलि मंगलबार जिल्ला सुरक्षा समन्वय समितिको बैठकमा सुरक्षा प्रमुखहरूसँग छलफल गर्ने कार्यक्रम छ । मन्त्री अर्यालसँगै गृहसचिव रामेश्वर दंगाल पनि भ्रमण दलमा छन् ।

मन्त्री अर्यालले भोलि मंगलबार नै धनुषा जिल्लाभरीका सरकारी कार्यालय प्रमुखहरूसँग पनि छलफल गर्ने कार्यसूची रहेको गृह मन्त्रालय स्रोत जानकारी दियो । छलफल जिल्ला प्रशासन कार्यालय धनुषामा हुनेछ ।

यस्तै मन्त्री अर्यालसँगै उद्योग र कानुनमन्त्री अनिलकुमार सिन्हा, युवा तथा खेलकुद मन्त्री बब्लु गुप्ता पनि जनकपुर गएका छन् ।

भ्रमणका क्रममा मन्त्री अर्यालसहितको टोलीले सुरक्षा निकायका विभिन्न कार्यालय अवलोकन, सरकारी कार्यालयका प्रमुखहरूसँग अन्तर्क्रिया गर्नेछन् । सोमबार र मंगलबार मधेशमा छठ पर्व समेत परेका उनीहरू छठसम्बन्धी कार्यक्रममा पनि सहभागी हुने बताइएको छ ।

मन्त्री अर्यालसहितको टोली भोलि मंगलबार बेलुका काठमाडौं फर्किने तालिका छ ।