दुर्गा प्रसाईंको गिरफ्तारीप्रति नवराज सुवेदीको आपत्ति

News Summary

Generated by OK AI. Editorially reviewed.

संयुक्त जनआन्दोलन समितिका संयोजक नवराज सुवेदीले दुर्गा प्रसाईंको गिरफ्तारीप्रति आपत्ति जनाउँदै रिहा गर्न माग गरेका छन्।
प्रहरीले मंसिर २ गते मध्यराति भक्तपुरस्थित घरबाट दुर्गा प्रसाईंलाई पक्राउ गरेको छ।
सुवेदीले अभिव्यक्ति स्वतन्त्रता र शान्तिपूर्ण सभा सम्मेलन गर्ने अधिकार सम्मान गर्न सरकारलाई आग्रह गर्नुभएको छ।

३ मंसिर, काठमाडौं । राजसंस्था पुनर्स्थापनाका लागि गठित संयुक्त जनआन्दोलन समितिका संयोजक नवराज सुवेदीले दुर्गा प्रसाईंकोे गिरफ्तारीप्रति आपत्ति जनाएका छन् ।

प्रहरीले सोमबार मध्यराति भक्तपुरस्थित घरबाटै प्रसाईंलाई पक्राउ गरेको थियो । राष्ट्र, राष्ट्रियता, धर्म, संस्कृति र नागरिक बचाऔं महाअभियानका संयोजक प्रसाईंले हिंसा भड्काउने गरी अभिव्यक्ति दिएको आरोपमा पक्राउ गरिएको प्रहरीको दावी छ ।

सुवेदीले विज्ञप्ति मार्फत भनेका छन्, ‘जेनजी आन्दोलनको बलमा निर्माण भएको अन्तरिम सरकारबाट कानुनी राज्यको सम्मान हुन्छ, सुशासन वहाली हुन्छ र कम्तीमा पुराना सरकारका गल्ती कमजोरी दोहोरिन्न भन्ने आम अपेक्षा थियो । यद्यपि जनअपेक्षाविपरीत रातको १२:३० बजे के–के नै बितिहाल्छ भनेजस्तो गरेर सरकारले अभियन्ता दुर्गा प्रसाईँलाई उहाँको निवासबाट मंसिर २ गते पक्राउ गरेको छ, जो दु:खद मात्र नभएर निन्दनीय छ ।’

सुवेदीले अभिव्यक्ति स्वतन्त्रता तथा शान्तिपूर्ण सभा सम्मेलन गर्ने प्रजातान्त्रिक अधिकार सम्मान गर्न गर्दै अभियन्ता प्रसाईंलाई रिहा गर्न माग गरेका छन् ।