बले अभिनित ‘डल्लेले इन्ट्री मार्‍यो’ २७ चैतमा

News Summary

Generated by OK AI. Editorially reviewed.

सागर लम्साल 'बले' को मुख्य भूमिका रहेको फिल्म 'डल्लेले इन्ट्री मार्‍यो' को प्रदर्शन मिति सार्वजनिक भएको छ।
राजु गिरी निर्देशित फिल्मको अधिकांश छायांकन कास्कीको याङ्जाकोट र केही काठमाडौंको गागलफेदी आसपासमा भएको हो।
फिल्म उषा फिल्म्स प्रालि को ब्यानरमा निर्माण भएको र नेसनल सिने ग्रुपले वितरण गर्नेछ।

काठमाडौं । सागर लम्साल ‘बले’ को शीर्ष भूमिका रहेको फिल्म ‘डल्लेले इन्ट्री मार्‍यो’ को प्रदर्शन मिति तय भएको छ । निर्माताले सोमबार पोस्टर सार्वजनिक गर्दै रिलिज डेटको घोषणा गरेका हुन् ।

राजु गिरी निर्देशित फिल्मको पोस्टरले फिल्मको कथावस्तुबारे संक्षिप्त संकेत गर्छ । कुलतमा युवापुस्ता फस्दा आउने सामाजिक असरको कथा यो फिल्ममा छ । पोस्टर बलेलाई मात्र देख्न सकिन्छ ।

अधिकांश छायांकन कास्कीको याङ्जाकोट र केही काठमाडौंको गागलफेदी आसपासमा भएको हो । पटकथा र संवाद लक्ष्मण सुवेदीले लेखेका हुन् ।

फिल्ममा रोशनी खड्का, रमेश बुढाथोकी, हेमन्त बुढाथोकी, रवीन्द्र झा, कैलाश रावत, विशाल पहाडी, ध्रुव कोइराला, सावित्रा चिलुवाल, आशा पौडेल, लक्ष्मीनाथ तिमिल्सिना, ओसिन भट्टराई लगायतको अभिनय छ ।

यो फिल्म फिल्म उषा फिल्म्स प्रालि को ब्यानरमा निर्माण भएको हो भने वितरण नेसनल सिने ग्रुपले गर्नेछ ।