‘धुरन्धर’ बन्यो रणवीर सिंहको करिअरमा उच्च ओपनिङ गर्ने फिल्म

News Summary

Generated by OK AI. Editorially reviewed.

रणवीर सिंहको फिल्म 'धुरन्धर'ले भारतीय बक्सअफिसमा पहिलो दिन २८.६० करोड भारु र दोस्रो दिन ३३.१० करोड भारु कमाएको छ।
फिल्म 'धुरन्धर'ले दुई दिनमा कुल ६१.७० करोड भारु कमाई गर्दै रणवीरको करिअरमा सबैभन्दा बढी ओपनिङ गरेको छ।
यो फिल्मले विश्वव्यापी रूपमा ४० करोड भारु कमाएको छ र ५,००० स्क्रिनमा रिलिज भएको थियो।

मुम्बई । फिल्म ‘धुरन्धर’ अभिनेता रणवीर सिंहको करिअरमा सर्वाधिक ओपनिङ गर्ने फिल्म बनेको छ । भारतीय संचारमाध्यमका अनुसार यो फिल्मले शुक्रबार भारतीय बक्सअफिसमा २८.६० करोड भारु नेट कलेक्सन गरेको छ ।

दोस्रो दिन पनि बक्सअफिसमा यसको कमाइमा उछाल देखियो । शनिबार फिल्मले ३३.१० करोड भारु नेट कमाएको छ । फिल्मको दुई दिने कलेक्सन ६१.७० करोड नेट भारु छ ।

साढे ३ घण्टा लामो रनटाइमको बाबजुद पनि दर्शकबाट सकारात्मक प्रतिक्रिया मिलेको कारण फिल्मको ओपनिङ सप्ताहन्त सुखद देखिएको हो ।

यसअघि रणवीरको करिअरमा धेरै ओपनिङ गर्ने फिल्म ‘पद्मावत’ थियो जसले २४ करोड भारु कमाएको थियो । ‘शाम्बा’ को कमाइ २०.७२ करोड भारु र ‘गली ब्वाइ’ ले १९.२६ करोड भारुको ओपनिङ गरेका थिए ।

यति मात्र होइन, ‘धुरन्धर’ रणवीरको अहिलेसम्म विश्व बजारमा सर्वाधिक राम्रो कमाउन फिल्म बनेको छ, जसले विश्वब्यापी ४० करोड भारु कमाउन सक्यो ।

“धुरन्धर’ को चर्चा यति धेरै थियो कि यसले पहिले नै अग्रिम बुकिङमा ९.२३ करोड भारु संकलन गरिसकेको थियो । २८० करोड भारुको बजेटमा बनेको यो फिल्म ५,००० स्क्रिनमा रिलिज भएको थियो ।

यसले रिलिजको पहिलो दिनमै कमाईको हिसाबले अहान पाण्डे र अनित पड्डाको “सैयारा’ लाई उछिनेको छ । धनुष र कृति सेननको “तेरे इश्क में’ लाई बक्सअफिसमा ठूलो चुनौती हुने देखिन्छ ।