फाइनान्स कम्पनीका सेयरमा आकर्षण, घट्यो कारोबार

News Summary

Generated by OK AI. Editorially reviewed.

सेयर बजार ३० पुस बुधबार १.५२ अंकले बढेर नेप्से परिसूचक २६४१ अंकमा पुगेको छ।
कारोबार रकम घटेर ६ अर्ब २० करोड पुगेको छ भने १२५ कम्पनीको मूल्य बढेको छ।
फाइनान्स समूह सबैभन्दा धेरै २.५५ प्रतिशतले बढेको छ र सुपर मादी हाइड्रोपावरको मूल्य ९.९४ प्रतिशतले बढेको छ।

३० पुस, काठमाडौं । पुसको अन्तिम दिन बुधबार सेयर बजार १.५२ अंक बढेको छ । सो वृद्धिपछि नेप्से परिसूचक २६४१ अंकमा कायम भएको छ । दिनभर बजारको उतारचढाव सामान्य रह्यो ।

कारोबार रकम सामान्य घटेको छ । अघिल्लो दिन ६ अर्ब ९९ करोडको कारोबार भएकोमा आज ६ अर्ब २० करोडको भयो ।

१२५ कम्पनीको मूल्य बढ्दा १२४ को घट्यो भने ११ को स्थिर रह्यो । यस दिन फाइनान्स समूहका कम्पनीमा लगानीकर्ताको आकर्षण देखिएको छ । सो समूह सबैभन्दा धेरै २.५५ प्रतिशत बढ्यो । मूल्य धेरै बढेका कम्पनीमा पनि फाइनान्सकै वर्चस्व रह्यो ।

त्यस्तै विकास बैंक ०.०१, होटल तथा पर्यटन ०.३१, हाइड्रोपावर ०.०७, लगानी ०.११, निर्जीवन बीमा ०.३८, व्यापार ०.६७ प्रतिशत बढे । बैंकिङ०.०८, जीवन बीमा ०.०१, उत्पादन तथा प्रशोधन ०.४१ तथा माइक्रोफाइनान्स ०.०५ तथा अन्य ०.१३ प्रतिशत घटे ।

सुपर मादी हाइड्रोपावरको मूल्य सबैभन्दा धेरै ९.९४ प्रतिशत बढ्यो । थ्रीस्टार हाइड्रोपावरको ८.२३, एनएमबी माइक्रोफाइनान्सको ७.३४, गुडविल फाइनान्सको ५.७३, मल्टिपर्पस फाइनान्सको ४.८१, मञ्जुश्री फाइनान्सको ४.१७ प्रतिशत मूल्य बढ्यो ।

मकर जितुमाया सुरीको मूल्य २.५ प्रतिशत घट्यो । आज धेरै कारोबार भएका कम्पनीमा राधि विद्युत्, युनियन हाइड्रोपावर, एसवाई प्यानल, मञ्जुश्री फाइनान्स तथा दोर्दीखोला जलविद्युत् रहे ।