चुनावको कारण देखाउँदै निर्माताले स्थगित गरे ‘कल्ली’ को प्रदर्शन

News Summary

Generated by OK AI. Editorially reviewed.

निर्माताले चुनावलाई कारण देखाउँदै फिल्म ‘कल्ली’ को प्रदर्शन मिति स्थगित गरेको छ।
लेकाली इन्टरटेनमेन्ट प्रालिका किरण नेपालीले नयाँ सरकार गठनपछि प्रदर्शन मिति घोषणा गर्ने बताए।
फिल्ममा सौगात मल्ल, बेनिशा हमाल र नाजिर हुसेनको अभिनय छ र प्रतिनिधिसभाको चुनाव २१ फागुनमा हुँदैछ।

काठमाडौं । चुनावलाई कारण देखाउँदै निर्माताले फिल्म ‘कल्ली’ को प्रदर्शन मिति स्थगित गरेका छन् । यो फिल्म १ फागुनदेखि देशब्यापी प्रदर्शन तयारीमा थियो ।

लेकाली इन्टरटेनमेन्ट प्रालिका तर्फबाट किरण नेपालीले सोमबार विज्ञप्ति जारी गर्दै नयाँ सरकारको गठन र निर्वाचनपछिको सहज वातावरण बनेलगत्तै नयाँ प्रदर्शन मिति घोषणा गर्ने उल्लेख गरेका छन् ।

विज्ञप्तिमा भनिएको छ, ‘वर्तमान परिस्थितिमा हाम्रो प्यारो देश निर्वाचनमा होमिएको छ । राष्ट्रको भविष्य के हुने हो भन्ने महत्वपूर्ण र जटिल घडीमा सम्पूर्ण नागरिकको ध्यान र राज्यको प्राथमिकता देशको राजनीति र निर्वाचनतर्फ केन्द्रित हुनु स्वाभाविक र आवश्यक पनि हो । हामी विश्वास गर्छौँ- ‘पहिले देश, अनि मात्र कला र मनोरञ्जन’ ।

चुनावपछि हुने नयाँ सरकार गठनपछिमात्र प्रदर्शन मिति घोषणा गर्ने जनाउँदै निर्माताले भनेका छन्, ‘केही समयको यो प्रतीक्षाले हाम्रो प्रस्तुतिलाई अझ निखारिएको र भव्य रूपमा यहाँहरूमाझ ल्याउन मद्दत पुग्ने विश्वास हामीले लिएका छौँ । राष्ट्रप्रतिको यो दायित्व बोध र हाम्रा दर्शकको धैर्यताका लागि हामी हृदयदेखि नै धन्यवाद ज्ञापन गर्दछौँ ।’

यो फिल्ममा सौगात मल्ल, बेनिशा हमाल, नाजिर हुसेन लगायतको अभिनय छ । प्रतिनिधिसभाको चुनाव २१ फागुनमा हुँदैछ ।