सिंगल रहेको खुलाउँदै इभा गिरी : को-को सिंगल छन् भन्ने थाहा पाउन १४ फेब्रुअरीमा जिम जान्छु

News Summary

Generated by OK AI. Editorially reviewed.

कन्टेन्ट क्रिएटर इभा गिरीले इन्स्टाग्राममा आफ्नो रिलेसनसिप स्टाटस सिंगल रहेको स्पष्ट पारेकी छिन्।
इभाले ‘सिंगल्स अन भ्यालेन्टाइन्स’ ह्यासट्याग प्रयोग गरी आफू सिंगल रहेको बताएकी छन्।
इभाले भारतीय टिभी शोका पूर्वप्रतियोगीसँग प्रेम सम्बन्धको हल्ला खण्डन गरेकी छिन्।

काठमाडौं । सोसल मिडियामा अहिलेकी चर्चित कन्टेन्ट क्रिएटर इभा गिरीको चर्चा छ । उनले एकपछि अर्को भिडियोमार्फत चर्चा बटुलिरहेकी छिन् । कहिले जीम गर्छिन्, कहिले डान्स अनि कहिलेकाहिँ आफ्नै खाले भिडियो बनाउँछिन् ।

केही साताअघिसम्म उनी प्रेम सम्बन्धमा रहेको चर्चा चलेको थियो । उनले एकपछि अर्को गरि भारतीय टिभी शो स्पिल्ट्सभिल्ला, रोडिज र बिगबोसको कन्नाडा संस्करणका एकजना पूर्वप्रतियोगी जसवन्त बोपन्नासँग रमाइला भिडियो बनाइरहेकी थिइन् ।

ती भिडियो हेरेर धेरैले उनलाई ती प्रतियोगीसँग प्रेम सम्बन्धमा हुनसक्ने अड्कल काटेका थिए । यतिबेला आएर इभाले हल्लाहरूको खण्डन गरेकी छिन् ।

इन्स्टाग्राममा जिम गर्दै गर्दाको भिडियो होस् या फ्यानसँगको अन्तक्रियाका भिडियोबाट, उनले आफ्नो रिलेसनसिप स्टाटस सिंगल रहेको बताएकी छन् । ‘अरु को–को सिंगल छन् भन्ने थाहा पाउन म १४ फेब्रुअरीमा जिममा जाँदैछु ।’ यसमार्फत उनले आफू सिंगल रहेको बताउन खोजेकी छिन् ।

उनले प्रयोग गरेको ह्यासट्यागमार्फत उनले आफू सिंगल रहेको बताएकी छन् । ‘सिंगल्स अन भ्यालेन्टाइन्स’ ह्यासट्याग प्रयोग गरेकी छन् । इभालाई इन्स्टा र टिकटकमा पछ्याउनेको संख्या धेरै छ ।

इभाले हालै दुर्गेश थापाको पछिल्लो गीत ‘नाच नाच भाइ नाच’ मा अभिनय गरेकी थिइन् ।