२२ फागुन, काठमाडौं । सर्लाही निर्वाचन क्षेत्र नम्बर ३ मा जारी मतगणनामा राष्ट्रिय स्वतन्त्र पार्टी (रास्वपा) उम्मेदवार नरेन्द्र साह कलवारले अग्रता कायम गरेका छन् ।
पछिल्लो मतपरिणाम अनुसार कलवारले ५ हजार ४ सय २४ मत प्राप्त गरेका छन् भने नेकपा माओवादी केन्द्रका वरिष्ठ नेता नारायणकाजी श्रेष्ठले ७ सय २० मत पाएका छन् । योसँगै कलवार श्रेष्ठभन्दा ४ हजार ७ सय ४ मतले अगाडि छन् ।
त्यसैगरी नेपाली कांग्रेसका विनोदकुमार खनालले ५ सय ४० मत प्राप्त गरेका छन् भने नेकपा एमालेका हरिप्रसाद उप्रेतीले ३ सय ३६ मत पाएका छन् । उप्रेती यसअघि विजयी भएका थिए ।
रास्वपा उम्मेदवार कलवार यसअघि नेकपा माओवादी केन्द्रसँग आबद्ध थिए । अघिल्लो निर्वाचनमा उनी माओवादी केन्द्रबाट उम्मेदवार बनेका थिए । तर, नेकपाबाट टिकट नपाएपछि उनले पार्टी छाडेर रास्वपा प्रवेश गरेर सर्लाही-३ बाट उम्मेदवारी दिएका थिए ।
नेकपा नेता श्रेष्ठ यसअघि पनि दुई पटक चुनावमा पराजित भइसकेका नेता हुन् । पछिल्लो समय सुरक्षित क्षेत्रको खोजीमा उनी सर्लाही–३ मा उम्मेदवार भएका थिए । तर, प्रारम्भिक मतपरिणामले भने श्रेष्ठलाई चुनौतीपूर्ण अवस्था देखाएको छ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Apartment for Rent in Hattiban")
प्रतिक्रिया 4