घट्यो कुखुरा मासुको भाउ

News Summary

Generated by OK AI. Editorially reviewed.

राष्ट्रिय कुखुरा बिक्री व्यवसायी संघले बिहीबारदेखि कुखुरा मासुको भाउ किलोमा १० देखि १५ रुपैयाँसम्म घटेको जानकारी दिएको छ।
जिउँदो कुखुराको भाउ प्रतिकिलो २ सय ७० रुपैयाँ कायम भएको छ, जुन पहिले २ सय ८० रुपैयाँ थियो।
तयारी कुखुरा मासुको भाउ पनि १५ रुपैयाँ घटेर ३ सय ६५ रुपैयाँमा झरेको छ, उत्पादन वृद्धि र खपत कम भएको कारणले।

२७ फागुन, काठमाडौं । बजारमा कुखुरा मासुको भाउ घटेको छ । राष्ट्रिय कुखुरा बिक्री व्यवसायी संघका अनुसार भोलि बिहीबारदेखि लागु हुने गरी मासुको भाउ घटेको हो ।

संघ अध्यक्ष जंगबहादुर बीसीले कुखुरा मासुको भाउ किलोमा १० रुपैयाँदेखि १५ रुपैयाँसम्म घटेको जानकारी दिए ।

उनका अनुसार जिउँदो कुखुरामा प्रतिकिलो १० रुपैयाँ घटेर २ सय ७० रुपैयाँ कायम भएको छ । यसअघि जिउँदो कुखुरा किलोको २ सय ८० रुपैयाँ थियो ।

यस्तै तयारी कुखुरा मासुको भाउ पनि घटेको छ । तयारी मासु प्रतिकिलो १५ रुपैयाँ घटेको हो । यसअघि ३ सय ८० रुपैयाँ रहेको तयारी मासुको भाउ ३ सय ६५ रुपैयाँमा झरेको अध्यक्ष बीसीले बताए ।

यतिबेला कुखुरा उत्पादनमा वृद्धि भएको र खपत कम भएका कारण मासुको मूल्य घटेको उनको भनाइ छ । ‘उत्पादन वृद्धि भइरहेको छ, तर बिक्री एकदमै कम छ,’ उनले भने ।