‘हामी तीन भाइ’ को ट्रेलर : सम्पत्तिले दाजुभाइमा ल्याउने दरारको कथा

News Summary

Generated by OK AI. Editorially reviewed.

मधुसुधन भट्टराई निर्देशित फिल्म ‘हामी तीन भाइ’ को ट्रेलर युट्युबमा रिलिज भएको छ।
फिल्ममा तीन दाजुभाइको सम्बन्धमा दरार आउने कथा समेटिएको छ र विनोद न्यौपाने, कुशल विष्ट, फलित राईले भूमिका निर्वाह गरेका छन्।
‘हामी तीन भाइ’ १३ चैतदेखि प्रदर्शन तयारीमा छ र यसमा सामाजिक कथावस्तु र हास्य तत्व मिश्रित छन्।

काठमाडौं । मधुुसुधन भट्टराई निर्देशित फिल्म ‘हामी तीन भाइ’ को ट्रेलर युट्युबमा रिलिज भएको छ । ट्रेलरले कथावस्तु, चरित्र चित्रण र केन्द्रीय द्वन्द्वबारे संक्षिप्त प्रकाश पार्छ ।

एक गाउँमा ३ दाजुभाइको कथा यसमा समेटिएको छ । बाबुआमाले बित्नुअघि दाजुभाइ अलग नहुनु भनेर भनेका हुन्छन् । विवाहपछि भने यी दाजुभाइको हार्दिक सम्बन्धमा दरार आउन थाल्छ ।

अंशवण्डाको रडाकोले यी तीनजनाको सम्बन्धमा फाटो आउँछ । फिल्ममा विनोद न्यौपाने, कुशल विष्ट र फलित राईले दाजुभाइको भूमिका निर्वाह गरेका छन् । यो फेमिली ड्रामाले नेपाली समाजको आमघरमा विद्यमान कथावस्तुलाई चित्रण गर्छ ।

फिल्ममा लक्ष्मी बर्देवा, जाह्न्वी बस्नेत, आश्मा गिरी, राजाराम पौडेल, रवीन्द्र झा लगायतको पनि अभिनय छ । सामाजिक कथावस्तुसँगै यसमा हास्य तत्वको पनि मिश्रण गरिएको छ ।

पटकथा तथा संवाद शिवम अधिकारीको छ । प्रसिद्धी सिने आट्र्स प्रालिको ब्यानरमा निर्माण भएको फिल्मको निर्मातामा त्रिरत्न श्रेष्ठ र मनोज श्रेष्ठ छन् ।

कार्यकारी निर्माता विक्रम तामाङ हुन् । सह-निर्माता भक्तलाल श्रेष्ठ, प्रतिमा थापा पोखरेल, दुर्गालक्ष्मी पाण्डे छन् । १३ चैतदेखि ‘हामी तीन भाइ’ प्रदर्शन तयारीमा छ ।