कुवेत लगेर बन्धक बनाएको आरोपमा समातिएका व्यक्ति कारागार चलान

News Summary

Generated by OK AI. Editorially reviewed.

सुर्खेतको गर्भाकोट गाउँपालिका–५ का ४८ वर्षीय ससिराम खड्का कुवेत लगेर बन्धक बनाएको आरोपमा पक्राउ परेर केन्द्रीय कारागार सुन्धारामा पठाइएका छन्।
खड्काले काठमाडौंको एक सपिङ मलमा काम गर्ने युवतीलाई कुवेतमा ब्युटिपार्लरमा काम लगाइने भन्दै प्रलोभनमा पारी बन्धक बनाएको मानव बेचबिखन अनुसन्धान ब्यूरोले जनाएको छ।
पीडित महिलाले घरबाट धकेल्दा दुबै खुट्टा भाँचिएको र नेपाल फर्किने क्रममा प्रहरी र युवा शक्ति संस्थाले उद्दार गरेको बताएकी छिन्।

६ चैत, काठमाडौं । ब्युटिपार्लरको काम भन्दै कुवतेर लगेर बन्धक बनाएको आरोपमा पक्राउ परेका व्यक्ति कारागार चालन भएका छन् ।

कारागार चलान हुनेमा सुर्खेतको गर्भाकोट गाउँपालिका–५ का ४८ वर्षीय ससिराम खड्का छन् । काठमाडौं जिल्ला अदालतको आदेश अनुसार उनलाई पुर्पक्षका लागि केन्द्रीय कारागार सुन्धारा पठाइएको हो ।

उनले काठमाडौंको एक सपिङ मलमा काम गर्ने युवतीलाई कुवेतमा ब्युटिपार्लरमा काम लगाइने भन्दै कुवेतर लगेर बन्धक बनाएको आरोप छ । फ्रि भिसा फ्रि टिकटमा कुवेत पठाउने र त्यहाँ पुगेपछि मासिक १२ सय केडी तलव हुने भन्दै प्रलोभनमा पारिएको मानव बेचबिखन अनुसन्धान ब्यूरोले बताएको छ ।

घरेलु कामको रुपमा लगाउने यातना दिने बन्धक बनाउने काम भएको र एक दिन २ तले घरबाट समेत धकेलिदिएको पीडित महिलालले बताएकी छिन् ।

घरबाट धकेल्दा दुबै खुट्टा भाँचिएको अवस्थामा त्यहाँको प्रहरीले उद्दार गरेको युवा शक्ति नामक संस्थाको पहलमा गत ८ माघमा नेपाल फर्किएको ती महिलाले बताएकी छिन् ।