‘ग्लोबल मनी विक’ अवसरमा सिद्धार्थ बैंकका विविध कार्यक्रम

News Summary

Generated by OK AI. Editorially reviewed.

सिद्धार्थ बैंक लिमिटेडले ग्लोबल मनी विक २०७९ को अवसरमा सात प्रदेशका ३८ स्थानमा विद्यार्थी लक्षित वित्तीय साक्षरता कार्यक्रम सञ्चालन गरेको छ।
मार्च १६ देखि २२ सम्म मनाइएको ग्लोबल मनी विकको नारा ‘स्मार्ट मनी टक्स’ रहेको थियो र २ हजार १७१ जना विद्यार्थीले कार्यक्रममा सहभागिता जनाएका थिए।
बैंकले ४७८ जना विद्यार्थीलाई विभिन्न शाखाको भ्रमण गराएर आधारभूत बैंकिङ सञ्चालन पद्दतिबारे जानकारी गराएको छ।

१० चैत, काठमाडौं । सिद्धार्थ बैंक लिमिटेडले विद्यार्थीहरूलाई वित्तीय रूपमा सक्षम र सचेत बनाउने उद्देश्यले ग्लोबल मनी विक अवसरमा विविध कार्यक्रम आयोजना गरेको छ । मार्च १६ देखि २२ सम्म मनाइएको ग्लोबल मनी विकको अवसरमा साताभर विविध कार्यक्रम भएका छन् ।

यस वर्षको ग्लोबल मनी विकको नारा ‘स्मार्ट मनी टक्स’ रहेको थियो । बैंकले सात प्रदेशका विद्यालय तथा क्याम्पस गरी ३८ स्थानमा विद्यार्थी लक्षित वित्तीय साक्षरता कार्यक्रमहरु सञ्चालन गरेको थियो ।

बैंकिङ सेवा, डिजिटल कारोबार र यसमा अपनाउनुपर्ने सावधानीका विषयमा सचेत गराई विद्यार्थीमा वित्तीय ज्ञान, सीप, मनोवृत्ति तथा व्यवहारमा सुधार ल्याउने प्रयास गरिएको बैंकले जनाएको छ ।

बैंकका अनुसार यी कार्यक्रममा २ हजार १७१ जना विद्यार्थीको सहभागिता रहेको थियो । ‘साथै बैंकको आधारभूत बैंकिङ सञ्चालन पद्दतिबारे जानकारी गराउने उद्देश्यले ४७८ जना विद्यार्थीलाई विभिन्न शाखाको भ्रमण कार्यक्रम पनि गरिएको थियो’ बैंकले जारी गरेको विज्ञप्तिमा भनेको छ ।