सुजुकी ई-भिटाराको बुकिङ खुल्यो, सुरुवाती मूल्य ४९ लाख ९९ हजार

News Summary

Generated by OK AI. Editorially reviewed.

सिजी मोटोकर्पले पोखरामा आयोजित वाडा अटो शोमा पहिलो प्रिमियम ब्याट्री इलेक्ट्रिक भेहिकल ई–भिटाराको बुकिङ खुला गरेको छ।
ई–भिटाराको सुरुवाती मूल्य ४९ लाख ९९ हजार रुपैयाँ तोकिएको छ र यो सीमित अवधिका लागि मात्र उपलब्ध छ।
सुजुकीले सन् २०३० सम्म थप ६ नयाँ इलेक्ट्रिक भेहिकल लन्च गर्ने योजना बनाएको छ।

११ चैत, काठमाडौं । नेपालमा सुजुकी गाडीहरूको आधिकारिक वितरक सिजी मोटोकर्पले आफ्नो बहुप्रतिक्षित पहिलो प्रिमियम ब्याट्री इलेक्ट्रिक भेहिकल ई–भिटाराको बुकिङ खुला गरेको छ ।

यो महत्त्वपूर्ण घोषणा बुधबार पोखरामा आयोजित वाडा अटो शोमा गरिएको हो, जहाँ कम्पनीले यसको निकै आकर्षक सुरुवाती मूल्य ४९ लाख ९९ हजार रुपैयाँ तोकेको छ ।

यो विशेष सुरुवाती मूल्य सीमित अवधिका लागि मात्र रहेको कम्पनीले जनाएको छ । ‘जापानी अटोमेकरले भित्र्याएको यो पहिलो प्रिमियम ब्याट्री इलेक्ट्रिक भेहिकल हो, जसले नेपालको विद्युतीय गाडी बजारमा जापानी विश्वसनीयता र उत्कृष्ट इन्जिनियरिङलाई स्थापित गर्नेछ’ कम्पनीले भनेको छ ।

‘यो गाडी दुई उच्च–क्षमताका ब्याट्री विकल्प ४९ र ६१ किलोवाट आवरमा उपलब्ध छ, जसले क्रमशः १०६ किलोवाट र १२८ किलोवाटको दमदार पावर आउटपुट दिन्छ’ कम्पनीले एक विज्ञप्तिमा भनेको छ ।

ई–भिटारा यो मूल्य दायरामा जापानी ब्रान्डबाट आउने पहिलो ईभी रहेको सीजी मोटोकर्पले जनाएको छ । ‘यो नवीनतम ब्याट्री प्रविधि र उच्च सुरक्षा मापदण्डहरूसहित सुसज्जित छ’ कम्पनीले भनेको छ । सुजुकीले सन् २०३० सम्म थप ६ नयाँ ईभी लन्च गर्ने जनाएको छ ।