भोजपुरमा कुटपिटबाट एक जनाको मृत्यु, ४ जना पक्राउ

News Summary

Generated by OK AI. Editorially reviewed.

भोजपुरको षडानन्द नगरपालिका–१३ रेवामा कुटपिटबाट २४ वर्षीय सम्मरबहादुर तामाङको मृत्यु भएको छ।
प्रहरीले कुटपिटमा संलग्न सुनील राई, चन्द्रकुमार राई, सुरज राई र राजेश दर्जीलाई नियन्त्रणमा लिएको छ।
घटना मंगलबार राति भएको र चारैजनालाई आज घरबाटै नियन्त्रणमा लिइएको प्रहरी नायब उपरीक्षक राजु लामाले बताए।

२५ चैत, भोजपुर । कुटपिटबाट भोजपुरका एक युवकको मृत्यु भएको छ । कुटपिटमा संलग्न रहेको आरोपमा प्रहरीले चार जनालाई नियन्त्रणमा लिएको छ ।

षडानन्द नगरपालिका–१३ रेवामा भएको कुटपिटको घटनामा २४ वर्षीय सम्मरबहादुर तामाङको मृत्यु भएको जिल्ला प्रहरी कार्यालयका प्रहरी नायब उपरीक्षक राजु लामाले जानकारी दिए । उनका अनुसार षडानन्द नगरपालिका–१३ मुखिया टोल घर भई विगत १२ वर्षदेखि आफ्ना सानाबुवा शङ्कराज तामाङको घरमा बस्दै आएका थिए ।

षडानन्द नगरपालिका–१४ बेखम्चाका २१ वर्षीय सुनील राई, ४४ वर्षीय चन्द्रकुमार राई, २७ वर्षीय सुरज राई र २६ वर्षीय राजेश दर्जीले तामाङलाई मंगलबार राति घरमै पुगेर कुटपिट गर्दा घटनास्थलमै मृत्यु भएको प्रहरीले जनाएको छ ।

घटनापछि फरार चारैजनालाई आज घरबाटै नियन्त्रणमा लिइएको प्रनाउ लामाले जानकारी दिए ।