News Summary
Generated by OK AI. Editorially reviewed.- गगन कुमार थापाले सरकार, संसद्, अदालत र संवैधानिक निकायका निर्णय जनताको नजरमा प्रमाणित र स्वीकार्य हुनुपर्ने बताएका छन्।
- उनले चुनाव जितेर संसद् छिरेपछि ‘जे बोले पनि वा जे गरे पनि हुन्छ’ भन्ने दम्भ त्याग्नुपर्ने र १ मिनेटको शून्य समयमा पनि जिम्मेवार शब्द चयन गर्नुपर्ने बताए।
- थापाले विगतको दुई तिहाइ शक्ति जनअसन्तुष्टिका कारण समाप्त भएको इतिहासबाट पाठ सिक्न र पाँच वर्षको कार्यकाल रचनात्मक बनाउनुपर्नेमा जोड दिए।
४ भदौ, काठमाडौं । नेपाली कांग्रेसका सभापति गगन कुमार थापाले सरकार, संसद्, अदालत वा संवैधानिक निकायले गरेका निर्णयहरू जनताको नजरमा प्रमाणित र स्वीकार्य हुनुपर्ने बताएका छन् ।
नन्दप्रसाद जानुका फाउण्डेशनले बिहीबार काठमाडौंमा आयोजना गरेको दोलखाका लोकनायकहरू पुस्तक बिमोचन कार्यक्रममा सभापति थापाले सरकार, संसद्, अदालत वा संवैधानिक निकायले गरेका निर्णयहरू केवल कानुनसम्मत भएर मात्र नपुग्ने भन्दै तिनको औचित्य जनताको नजरमा प्रमाणित र स्वीकार्य हुनुपर्ने बताएका हुन् ।
अहिले चुनाव जितेर संसदमा पुगेका सांसदमा दम्भ देखिएकाले चुनाव जितेर संसद् छिर्दैमा ‘जे बोले पनि वा जे गरे पनि हुन्छ’ भन्ने दम्भ त्याग्नुपर्ने उनको भनाइ थियो ।
संसद्मा प्राप्त १ मिनेटको शून्य समयमा बोल्दा समेत सांसदहरूले गम्भीर तयारी, सचेतता र पूर्ण जिम्मेवारीका साथ शब्द चयन गर्नुपर्ने पनि उनले बताए ।
विगतमा कांग्रेस–एमाले वा तत्कालीन नेकपासँग भएको दुई तिहाइको शक्ति जनताको असन्तुष्टिका कारण कसरी समाप्त भयो भन्ने इतिहासबाट पाठ सिक्नुपर्ने धारणा थापाको थियो ।
साथै उनले नयाँ उदाएका राजनीतिक दलहरूले विगतका गल्तीहरू नदोहोर्याई आफ्ना कमजोरी सच्याएर अघि बढ्नुपर्नेमा जोड दिए ।
मुलुकले अब थप कुनै ‘राजनीतिक दुस्साहस’ थेग्न नसक्ने भएकाले पाँच वर्षको कार्यकाललाई रचनात्मक र व्यवस्थित बनाउनुपर्ने उनको भनाइ छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4