News Summary
Generated by OK AI. Editorially reviewed.- रसुवाको भोटेकोशीमा बुधबार आएको बाढीमा सुदूरपश्चिम प्रदेशका करिब १०० जना नागरिक सम्पर्कविहीन भएका छन्।
११ भदौ, धनगढी । रसुवाको भोटेकोशीमा बुधबार आएको भीषण बाढीमा परी सुदूरपश्चिम प्रदेशका झन्डै १०० नागरिक सम्पर्कविहीन भएका छन् ।
कैलाली, कञ्चनपुरसहितका जिल्लाका गरेर करीब १०० व्यक्तिहरू सम्पर्कविहीन भएको प्रारम्भिक विवरण आएको छ । अहिलेसम्म ९० जना नागरिक प्रभावित क्षेत्रबाट सम्पर्कविहीन भएको विवरण प्राप्त भएको सुदूरपश्चिम प्रदेश प्रहरी कार्यालयले जनाएको छ ।
विभिन्न प्रहरी कार्यालयमा प्राप्त जानकारीअनुसार अहिलेसम्म ९० जना सम्पर्कविहीन रहेको खुलेको प्रदेश प्रहरी कार्यालयका प्रवक्ता एसएसपी पदमबहादुर बिष्टले जानकारी दिए ।
उनका अनुसार सबैभन्दा धेरै कञ्चनपुरका २९, कैलालीका २०, डडेल्धुराका १५, बाजुराका १४, बैतडीका ४, दार्चुला ३, डोटीका २, बझाङका २ र अछामका १ जना सम्पर्कविहीन भएको विवरण प्राप्त भएको छ।
यी मध्ये ४ जना प्रहरी कर्मचारी रहेका छन् । सम्पर्कविहीन हुने प्रहरी कर्मचारीमा प्रहरी हवलदार नरेन्द्र प्रसाद भट्ट, प्रहरी सहायक हवलदार हिक्मत महरा, प्रहरी जवान नारद सार्की र सशस्त्र प्रहरी जवान बिनिता बोहरा रहेको एसएसपी बिष्टले बताए ।
सम्पर्कविहीन हुनेमा रसुवामा विभिन्न हाइड्रो पावरमा काम गर्ने मजदुर, प्रहरी, निजामती कर्मचारी र तथा विभिन्न निजी क्षेत्रमा कार्यरत कर्मचारी रहेका छन् ।
बाढी प्रभावित क्षेत्रमा सम्पर्कविहीन भएका व्यक्तिको विवरण टिपाउन प्रहरीले आफन्तलाई अनुरोध गरेको छ । अहिले सम्बन्धित व्यक्तिका आफन्तले विवरण टिपाउने काम गरिरहेका छन् । बाढीमा सम्पर्कविहीन हुनेको संख्या बढ्न सक्ने अनुमान प्रहरीको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4