News Summary
Generated by OK AI. Editorially reviewed.- गैरआवासीय नेपाली संघले बाढी प्रभावित नागरिकका लागि १ करोड रुपैयाँ परराष्ट्रमन्त्री शिशिर खनाललाई सोमबार हस्तान्तरण गरेको छ।
१५ भदौ, काठमाडौं । गैरआवासीय नेपाली संघ (एनआरएनए) अन्तर्राष्ट्रिय समन्वय परिषद्ले बाढी प्रभावित नागरिकका लागि १ करोड सहयोग गरेको छ । सोमबार परराष्ट्रमन्त्री शिशिर खनालसँगको भेटमा सहयोग रकम हस्तान्तरण गरिएको हो ।
एनआरएनएका पदाधिकारी तथा अभियन्ता र विभिन्न राष्ट्रिय समन्वय परिषद् बाट संकलित रकममध्ये पहिलो चरणमा उक्त रकम कोषमा हस्तान्तरण गरिएको संघले जनाएको छ ।
एनआरएनए अन्तर्राष्ट्रिय समन्वय परिषद्का अध्यक्ष डा. हेमराज शर्मासहितको प्रतिनिधिमण्डल परराष्ट्र मन्त्रालयमा पुगेको थियो । भेटमा मन्त्री खनालले एनआरएनएले विदेशमा रहेका नेपाली समुदायलाई एकीकृत गरी विपद् व्यवस्थापन तथा पुनर्निर्माणमा परिचालन गर्ने पहल गर्नु स्वागतयोग्य रहेको बताए ।
पुनर्स्थापना र पुनर्निर्माणका सबै चरणमा एनआरएनए तथा अन्तर्राष्ट्रिय समुदायसँग सहकार्य गर्ने प्रतिबद्धता मन्त्री खनालले व्यक्त गरे । मन्त्री खनालले हालको विपद् अत्यन्त ठूलो प्रकृतिको रहेको उल्लेख गर्दै रसुवा र नुवाकोटका धेरै वस्तीमा ठूलो जनधन क्षति भएको बताए ।
एनआरएनएले बाढी प्रभावित नागरिकलाई ५ करोड सहयोग गर्ने घोषणा गरेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4