१८ भदौ, काठमाडौं । बंगलादेश सरकारले रसुवाको भोटेकोशीमा आएको बाढीका कारण प्रभावित नेपालीका लागि १० लाख अमेरिकी डलर सहयोग गर्ने भएको छ ।
बंगलादेशका प्रधानमन्त्री तारिक रहमानको बाढी प्रभावितको उद्धार, राहत र पुनर्स्थापनाका लागि नेपाललाई १० लाख अमेरिकी डलर सहयोग गर्ने घोषणा गरेका हुन् । उक्त रकम नेपाल सरकारको प्रधानमन्त्री दैवी प्रकोप उद्धार कोषमा जम्मा हुने भनिएको छ ।
बिहीबार बंगलादेशका विदेश राज्यमन्त्री हुमायुन कबिरले बंगलादेशका लागि नेपाली राजदूत घनश्याम भण्डारीलाई प्रधानमन्त्री रहमानले नेपालका प्रधानमन्त्री बालेन्द्र शाहलाई पठाएको पत्र हस्तान्तरण गर्दै सहयोगबारे जानकारी गराएका हुन् ।
यसअघि १ सेप्टेम्बरमा विदेश राज्यमन्त्री कबिरले ढाकास्थित नेपाली दूतावासमा राखिएको शोक पुस्तिकामा हस्ताक्षर गरेका थिए ।
बंगलादेशको संसद्ले पनि २७ अगस्टमा नेपालमा भएको विपद्प्रति शोक प्रस्ताव पारित गरेको थियो ।
भदौ १० को बाढीपछि बंगलादेशका प्रधानमन्त्री रहमानले प्रधानमन्त्री शाहलाई सन्देश पठाउँदै बंगलादेश सरकार र जनताको तर्फबाट नेपालप्रति पूर्ण ऐक्यबद्धता जनाएका थिए । उनले बाढीबाट ज्यान गुमाएकाप्रति गहिरो समवेदना व्यक्त गरेका थिए ।
बंगलादेशका राष्ट्रपति मिर्जा फखरुल इस्लाम आलमगीरले पनि नेपालमा भएको ठूलो जनधनको क्षतिप्रति दु:ख व्यक्त गर्दै नेपालका राष्ट्रपतिप्रति समवेदना प्रकट गरेका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4