News Summary
Generated by OK AI. Editorially reviewed.- काठमाडौंको बालुवाटारस्थित आकाश फुड्सलाई अखाद्य वस्तु बिक्री गरेको पाइएपछि खाद्य प्रविधि तथा गुण नियन्त्रण विभागले ३ लाख रुपैयाँ जरिबाना तिराएको छ।
- अनुगमनमा पानी पुरीमा प्रयोग हुने गन्हाएको करिब १०० ग्राम आलु र म्याद गुज्रेको विना चिनीको लड्डु ८ बट्टा फेला परेको विभागले जनाएको छ।
- अनुगमन टोलीले गन्ध आएको आलु र उपभोग्य मिति समाप्त भएको लड्डु तत्काल नष्ट गरी व्यवसायलाई खाद्य स्वच्छता कायम राख्न निर्देशन दिएको छ।
२६ भदौ, काठमाडौं । काठमाडौंको बालुवाटारस्थित आकाश फुड्सले उपभोक्ताको स्वास्थ्यमा खेलबाड गर्दै अखाद्य वस्तु बिक्री वितरण गरेको पाइएपछि ३ लाख रुपैयाँ जरिबाना तिराइएको छ ।
स्वास्थ्य तथा खाद्य स्वच्छता मन्त्रालयअन्तर्गतको खाद्य प्रविधि तथा गुण नियन्त्रण विभागले ‘र्यापिड रेस्पोन्स मोडालिटी’ मा गरेको आकस्मिक बजार अनुगमनका क्रममा गन्हाएको आलु र म्याद गुज्रेको लड्डु फेला परेपछि कारबाही गरिएको हो ।
विभागका अनुसार अनुगमनमा आकाश फुड्समा गम्भीर स्वास्थ्य लापरबाही भेटिएको थियो । त्यहाँ पानी पुरीमा प्रयोग गरिने आलु (स्टफिङ) अस्वाभाविक रूपमा गन्हाएको अवस्थामा फेला परेको थियो ।
त्यसैगरी, पसलमा म्याद नाघेको विना चिनीको लड्डु ८ बट्टा भेटिएको थियो । उक्त लड्डुमा उत्पादन मिति २७ अगस्ट २०२५ उल्लेख भएको र १५ दिनभित्र (बेस्ट बिफोर १५ डेज’) उपभोग गरिसक्नुपर्ने भए पनि म्याद गुज्रिएर राखिएको अवस्थामा फेला परेको विभागले जनाएको छ ।
कैफियत भेटिएपछि अनुगमन टोलीले गन्ध आएको करिब १०० ग्राम आलु र उपभोग्य मिति समाप्त भएको ८ प्याकेट लड्डु तत्काल नष्ट गरेको छ । विभागले खाद्य स्वच्छता तथा गुणस्तर ऐन, २०८१ बमोजिम उक्त व्यवसायलाई आगामी दिनमा अनिवार्य रूपमा खाद्य स्वच्छता कायम राख्न निर्देशन दिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4