News Summary
Generated by OK AI. Editorially reviewed.- कांग्रेस संसदीय दलका नेता भीष्मराज आङ्देम्बेले बाढीपछिको उद्धार, राहत, पुनर्निर्माण र दीर्घकालीन समाधानका लागि उच्चस्तरीय समिति गठनबारे सभामुख डीपी अर्याललाई ध्यानाकर्षण गराएका छन्।
- आङ्देम्बेले संसद्मा प्रधानमन्त्रीसँगको प्रश्नोत्तर कार्यक्रमलाई निरन्तरता दिनेबारे पनि सभामुखको ध्यानाकर्षण गराएका छन्।
- रास्वपा सभापति रवि लामिछानेले रसुवाको विनाशकारी बाढीपछि उच्चस्तरीय सर्वदलीय संयन्त्र बनाउन प्रस्ताव गरे पनि २० दिनसम्म गठन हुन सकेको छैन।
३० भदौ, काठमाडौं । प्रमुख प्रतिपक्षी नेपाली कांग्रेस संसदीय दलका नेता भीष्मराज आङ्देम्बेले सभामुख डीपी अर्याललाई भेटेर बाढीपछिको उद्धार, राहत, पुनर्निर्माण र दीर्घकालीन समाधानका लागि उच्चस्तरीय समिति गठनबारे ध्यानाकर्षण गराएका छन् ।
सभामुख अर्यालसँग मंगलबार भेटमा उनले भेटमा बाढीपछि उद्धार, राहत र पुनःस्थापनबारे उच्चस्तरीय संसदीय समिति गठनलगायतबारे सभामुखको ध्यानाकर्षण गराएका हुन् ।
रसुवामा विनाशकारी बाढी गएको भोलिपल्टै सत्तारुढ दल राष्ट्रिय स्वतन्त्र पार्टी (रास्वपा)का सभापति रवि लामिछानेले विपद्पछिको उद्धार, राहत र पुनस्र्थापनाका लागि उच्चस्तरीय सर्वदलीय संयन्त्र बनाउन प्रस्ताव गरेका थिए । तर, २० दिन बितिसक्दा पनि उक्त संयन्त्र गठन हुन सकेको छैन ।
आङ्देम्बेको सचिवालयले भेटका क्रममा संसद्मा प्रधानमन्त्रीसँगको प्रश्नोत्तर कार्यक्रमलाई निरन्तरता दिनेबारे पनि सभामुखको ध्यानाकर्षण गराइएको जनाएको छ ।
सचिवालयका अनुसार प्रधानमन्त्री वालेन शाह ‘बालेन्द्र’ ले संयुक्त राष्ट्रसंघको ८१ औं महासभालाई सम्बोधनका क्रममा जलवायु परिवर्तनबारे विश्व समुदायको ध्यानाकर्षण गराउनु पर्ने विषयमा पनि कुराकानी भएको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4