News Summary
Generated by OK AI. Editorially reviewed.- नेपाली कांग्रेसले १५औं महाधिवेशनअन्तर्गत तल्लो तहका अधिवेशनको कार्यतालिका फेरि परिमार्जन गरेको छ ।
- परिमार्जित कार्यतालिकाअनुसार गाउँ-नगर अधिवेशन ३ र ४ असोजमा हुने भएका छन् ।
- केन्द्रीय निर्वाचन समितिले १६–१९ असोजको केन्द्रीय महाधिवेशन मिति भने यथावत् राखेको छ ।
२३ भदौ, काठमाडौं । नेपाली कांग्रेसले आसन्न १५ औं महाधिवेशनअन्तर्गत तल्लो तहका अधिवेशनको कार्यतालिका फेरि परिमार्जन गरेको छ। केन्द्रीय कार्यालय सानेपामा मंगलबार बसेको केन्द्रीय निर्वाचन समिति बैठकले तल्लो तहका अधिवेशनको कार्यतालिका फेरि परिमार्जन गरेको हो।
परिमार्जित कार्यतालिकाअनुसार अब गाउँ-नगर अधिवेशनहरू ३ र ४ असोजमा हुने भएका छन् । बैठकले दुई दिनमध्ये कुनै एक दिन स्थानीय अनुकूलतामा अधिवेशन गर्न भनेको छ।
यसअघि बसेको बैठकले वडा अधिवेशन २४ भदौमा गर्ने भन्दै कार्यतालिका परिमार्जन गरेको थियो। नयाँ परिमार्जित कार्यतालिका अनुसार ७ असोजमा गाउँ–नगर र १० असोजमा प्रदेशसभा क्षेत्रीय र प्रतिनिधिसभा क्षेत्रीय अधिवेशन हुने भएको छ।
निर्वाचन समितिले केन्द्रीय महाधिवेशनको मिति भने परिमार्जन गरेको छैन । यसअघिको निर्णयअनुसार १६–१९ असोजमै केन्द्रीय महाधिवेशन हुने निर्वाचन समिति संयोजक वरिष्ठ अधिवक्त प्रेमबहादुर खड्काले जानकारी दिए।
निर्वाचन समितिले बाढी प्रभावित रसुवा, नुवाकोट र धादिङ जिल्लाको हकमा तोकिएको निर्वाचन अधिकृत र पार्टीको स्थगानीय तहसँगको समन्वययमा अधिवेशन सम्पन्न गर्न भनेको छ ।
यस्तै नेपाली जनसम्पर्क समितिको बाँकी रहेका देशहरूको अधिवेशन १० असोजभित्र सम्पन्न गरिसक्न भनिएको छ ।
बैठकको निर्णय सार्वजनिक गर्न जारी गरिएको विज्ञप्तिमा भनिएको छ, ‘जिल्ला अधिवेशन र प्रदेशको समय तालिका दोस्रो चरणमा प्रकाशित गरिने छ ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4