३० भदौ, काठमाडौं । सत्तारुढ दल राष्ट्रिय स्वतन्त्र पार्टी(रास्वपा)का सचेतक प्रकाशचन्द्र परियारले चाँडपर्वअगावै कालाबजारी रोक्ने संयन्त्र बनाएर काम गर्न सरकारको ध्यानाकर्षण गराएका छन् । प्रतिनिधिसभाको बैठकमा बोल्दै सचेतक परियारले यस्तो बताएका हुन् ।
‘एकातिर महाप्रलयमा सडक र पुलहरू टुक्रिएका छन्, भने अर्कातिर यही भौगोलिक विच्छेद र नागरिकको असहजतालाई अवसर बनाएर बजारमा कालोबजारी र कृत्रिम अभावको नयाँ पहिरो खस्ने गम्भीर खतरा बढेको छ’, सचेतक परियारले भने, ‘विपत्तिले आहत भएका नागरिकलाई महँगी र अभावको दोहोरो मारमा पार्नु राज्यको दायित्व हुँदै होइन ।’
विपत्तिका बेला बजारमा गरिने सामान्य ‘कर्मकाण्डी अनुगमन’ले नागरिकले राहत नपाउने बताउँदै उनले सरकारले दुर्गम क्षेत्रसम्म आपूर्ति व्यवस्थालाई आपत्कालीन रूपमा चुस्त र परिणाममुखी बनाउनुपर्ने बताए ।
‘कालोबजारी गर्नेहरूमाथि कडा कारबाही गरोस् । र, भत्किएका पुलहरूसँगै विच्छेदित भूगोललाई राज्यको विश्वासले जोड्ने काम तुरुन्त थालोस्’, उनले भने ।
उनले सडक टुक्रिएपनि नागरिक र सरकारबीचको विश्वासको सेतु टुक्रिन नहुने बताए ।
सचेतक परियारले भोटेकोशीको विकराल हिमपहिरो एउटा प्राकृतिक विपत्ति मात्र नभएर त्यसको असर पुस्तौंसम्म देखिने पनि टिप्पणी गरे ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4