१० असोज, काठमाडौं । नेपाली कांग्रेसको केन्द्रीय निर्वाचन समितिले उम्मेदवारहरूसँग १५ औं महाधिवेशन निर्वाचन निर्देशिकामा तोकिएको शुल्कभन्दा बढी रकम नलिन निर्देशन दिएको छ ।
जिल्ला निर्वाचन समितिले निर्देशिकाविपरित उम्मेदवारी मनोनयन शुल्क लिएको गुनासो आएको भन्दै समितिले तोकिएको शुल्कबाहेक अतिरिक्त कुनै पनि रकम नलिन निर्देशन दिएको हो ।
समितिका सदस्य सचिव राजु कटुवालले शनिबार विज्ञप्ति जारी गरेर अतिरिक्त रकम लिएको भए सम्बन्धित व्यक्तिलाई फिर्ता गर्न भनेका छन् ।
यसअघि जिल्ला निर्वाचन समितिले जारी प्रदेश सभा तथा प्रतिनिधिसभा क्षेत्रीय अधिवेशनमा निर्वाचन निर्देशिकाविपरित उम्मेदवारी मनोनयन दस्तुर तोकेको थियो ।
निर्वाचन अधिकृत कृष्णप्रसाद घिमिरेले जारी गरेको सूचनामा केन्द्रीय महाधिवेशन प्रतिनिधिका लागि २० हजार, ३५ वर्षमुनिका युवातर्फको महाधिवेशन प्रतिनिधिका लागि १० हजार र प्रदेश अधिवेशन प्रतिनिधिका लागि १० हजार मनोनयन शुल्क तोकिएको छ ।
तर, केन्द्रीय निर्वाचन समितिले तयार गरेको निर्वाचन निर्देशिकामा महाधिवेशन प्रतिनिधिका लागि मनोनयन शुल्क सात हजार तोकिएको थियो ।
जिल्ला निर्वाचन समितिले प्रदेशसभा क्षेत्रीय कार्यसमितिको सभापतिका लागि २० हजार, उपसभापति र सचिवका लागि सात हजार, सहसचिवका लागि पाँच हजार र सदस्यका लागि तीन हजार रुपैयाँ मनोनयन शुल्क तोकेको छ ।
निर्वाच्न निर्देशिकामा भने प्रदेशसभा क्षेत्रीय कार्यसमिति सभापतिका लागि सात हजार, उपसभापति र सचिवका लागि चार हजार, सहसचिवका लागि तीन् हजार र सदस्यका लागि दुई हजार शुल्क निर्धारण गरिएको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4