News Summary
Generated by OK AI. Editorially reviewed.- पूर्वी कङ्गोको किभु तालमा व्यापारी बोकेको डुङ्गा पल्टिँदा कम्तीमा १२ जनाको मृत्यु भएको छ भने दर्जनौँ यात्रु बेपत्ता भएका छन्।
- दुर्घटनामा ५० भन्दाबढी व्यक्ति सवार थिए र करिब १५ जनालाई सकुशल उद्धार गरिएको किशेके गाउँका प्रमुख फेलिक्स हाबिरागीले बताए।
- स्थानीय प्रशासक मुहिन्डो नताम्बुका पास्कलका अनुसार डुङ्गा इड्ज्वी टापुको बुविनाबाट बोजातर्फ माछा व्यापारी र सामान ओसारपसार गरिरहेको थियो।
११ असोज, बुकाभु (कङ्गो) (रासस/एपी)। पूर्वी कङ्गोको किभु तालमा व्यापारीहरू बोकेको डुङ्गा पल्टिँदा कम्तीमा १२ जनाको मृत्यु भएको छ भने दर्जनौँ यात्रु बेपत्ता भएका छन् ।
दुर्घटनास्थल नजिकै रहेको किशेके गाउँका प्रमुख फेलिक्स हाबिरागीका अनुसार शनिबार राति साउथ किभु प्रान्तस्थित इड्ज्वी टापु नजिक डुङ्गा दुर्घटनामा परेको हो । डुङ्गामा ५० भन्दाबढी व्यक्ति सवार थिए ।
हाबिरागीले हालसम्म करिब १५ जनाको सकुशल उद्धार गरिएको जानकारी दिनुभएको छ । दुर्घटनाको कारण भने तत्काल खुल्न सकेको छैन ।
स्थानीय प्रशासक मुहिन्डो नताम्बुका पास्कलका अनुसार उक्त डुङ्गाले इड्ज्वी टापुको बुविनाबाट बोजातर्फ माछा व्यापारी तथा विभिन्न सामान ओसारपसार गरिरहेको थियो ।
कङ्गोमा डुङ्गा दुर्घटनाबाट हुने मानवीय क्षति बारम्बार हुने गरेको छ । १० करोडभन्दा बढी जनसङ्ख्या भएको यस देशमा नदी र तालहरू यातायातका प्रमुख माध्यम भएकाले यस्ता दुर्घटनाहरू पटक–पटक हुने गरेका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4