News Summary
Generated by OK AI. Editorially reviewed.- नेपथ्यले २४ असोजमा कीर्तिपुरस्थित ल्याब्रोटरी स्कुलको मैदानमा ‘नेपथ्य लाइभ इन कीर्तिपुर’ कन्सर्ट गर्ने भएको छ।
२३ असोज, काठमाडौं । नेपाली सांगीतमा एउटा गर्विलो नाम हो – नेपथ्य । आफ्ना थुप्रै कालजयी सिर्जनामार्फत दशकौंदेखि नेपाली श्रोता दर्शकको धड्कनमा बस्न सफल यो ब्यान्डको काठमाडौंमा कन्सर्ट भने विरलै हुने गर्छ । तर, अब नेपथ्य फ्यानका लागि खुसीको खबर छ । ब्यान्डले भोलि अर्थात् २४ असोजमा कीर्तिपुरमा धमाकेदार उपस्थिति जनाउने भएको छ ।
रमाइलो इभेन्ट म्यानेजमेन्ट प्रा.लि.को आयोजनामा हुन लागेको ‘नेपथ्य लाइभ इन कीर्तिपुर’ ले लामो समयपछि काठमाडौं उपत्यकाका सङ्गीतप्रेमीहरूलाई एउटै लय र ऊर्जामा झुमाउने निश्चित छ ।
कीर्तिपुरस्थित ल्याब्रोटरी स्कुलको फराकिलो मैदानमा आयोजना हुने यस भव्य कन्सर्ट साँझको ६:०० बजेबाट सुरु हुनेछ । साँझ ४:१५ बजेदेखि नै गेट १ र गेट २ बाट दर्शकहरूका लागि प्रवेश खुला गरिने आयोजकले जानकारी दिएका छन् ।
ऐतिहासिक, सांस्कृतिक तथा पुरातात्त्विक दृष्टिकोणले विशेष महत्त्व बोकेको कीर्तिपुरमा नेपथ्यका गीतहरू गुञ्जिरहँदा यहाँको वातावरण साँच्चिकै सांगीतिक र उल्लासमय बन्ने छ । बहुपुस्ताका प्रिय सङ्गीत साधकहरूको यो प्रत्यक्ष प्रस्तुति दर्शकका लागि एउटा यादगार सांगीतिक उत्सव बन्ने अपेक्षा गरिएको छ ।
यसै विशेष मञ्चबाट नेपालको पर्यटन, संस्कृति र सम्पदालाई डिजिटल प्रविधिमार्फत विश्वभर फैलाउने उद्देश्यका साथ गौरवता नेपालको औपचारिक लन्च समेत गरिनेछ ।
डिजिटल गेटवे टु नेपालको अवधारणा बोकेको गौरवता नेपालले हाम्रो प्राकृतिक तथा सांस्कृतिक धरोहरलाई अन्तर्राष्ट्रिय जगतमा अझ मजबुत रूपमा चिनाउने लक्ष्य लिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4