News Summary
Generated by OK AI. Editorially reviewed.- रचना रिमाल अस्ट्रेलिया र मलेसियामा प्रस्तुति दिएर नेपाल फर्केकी छन् र आज विराटनगरको विराट ट्रेड फेयरमा स्टेज शो गर्दै छिन्।
- दसैंको पूर्वसन्ध्यामा प्रवासी नेपालीका भीड र मेला–महोत्सवका निम्ताले रचना रिमालको कार्यतालिका निकै व्यस्त बनेको छ।
- उनले नेपाली फिल्म ‘आ बाट आमा’का लागि ‘रातो टीका लगाउँदा क्या दामी देखियो’ गीत सार्वजनिक गरेको बताएकी छिन्।
बिहान अस्ट्रेलियाको कुनै समुद्री तटमा जिसस क्राइस्टले जस्तै हात फैलाएर उभिएकी छिन् । मध्याह्न अत्याधुनिक सहरलाई पृष्ठभूमिमा राखेर मख्ख पर्दै फोटो खिचाएकी छिन् । साँझ प्रवासी नेपालीहरूको भीडमा स्टेज पर्फर्मेन्स गरिरहेकी छिन् ।
अर्को दिन फेरि एउटा चिल्लो भवनभित्र सेल्फी खिच्दै ‘हेल्लो मलेसिया’ लेखेकी छिन् । अनि लगत्तै ‘नेपाल आइपुगेको’ जनाउ दिएकी छिन् । त्यसपछि ?
विराटनगरका लागि उड्न लागेको बताइरहेकी छिन् । आज उनी विराट ट्रेड फेयरमा स्टेज शोका लागि हाजिर हुँदै छिन् । यही क्रम जारी रहने हो भने रचना रिमालले रमाइलो मेलामा राखिने घुमाउरो रेलजस्तै देश–विदेश फन्को लगाइरहनेछिन् ।
कहिले कहाँ, कहिले कहाँ । उनलाई भ्याइनभ्याइ छ । यति बेफुर्सदिलो कार्यतालिकाले भन्छ, ‘यो समय रचना रिमालको हो ।’
दसैंको पूर्वसन्ध्यामा उनी समुद्रपारि पुगेर गीत गाउन भ्याइसकिन् । त्यसपछि फर्केर घर पुग्ने फुर्सद छैन । ठाउँ–ठाउँमा हुने मेला–महोत्सवले निम्तो गरेको गर्यै छ । खासमा दसैं त रचना रिमाललाई लागेको छ ।
केही समयअघि मात्र उनी नेपाली फिल्म ‘आ बाट आमा’का गीत सार्वजनिक गरिरहेकी थिइन् । ठ्याक्कै दसैंको मुखमा उनले ‘रातो टीका लगाउँदा क्या दामी देखियो’ गीत सबैमाझ ल्याएको बताएकी थिइन् । यो फिल्म दसैंको मेसो पारेर प्रदर्शनको तयारीमा छ । त्यसो त कन्सर्टसँगै फिल्मको गीतले पनि उनलाई बेफुर्सदिलो बनाउँछ ।
समय होस् त रचनाको जस्तो !
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4